دوللار، سەن نەدەن كۇشتى بولدىڭ؟

دوللار، سەن نەدەن كۇشتى بولدىڭ؟ ەلەونورا ياكيا

دوللاردىڭ تەڭگەگە شاققانداعى باعاسى كەشە كۇرت ءوستى. وسىعان بايلانىستى ۇلتتىق بانك مالىمدەمە جاسادى، دەپ حابارلايدى aqshamnews.kz.

"ءبىرقاتار ىرگەلى فاكتورلاردىڭ ناشارلاۋى اياسىندا تەڭگەنىڭ ايىرباس باعامى اقش دوللارى ءۇشىن 500 تەڭگەنى ەڭسەردى. قازىرگى ۋاقىتتا بيرجاداعى ساۋدا-ساتتىق 1 اقش دوللارى ءۇشىن 518-519 تەڭگە ارالىعىندا ءوتىپ جاتىر. كەشەگى كۇننەن باستاپ 2،4%-عا السىرەگەندىكتەن، 28 قاراشاداعى تەڭگەنىڭ ورتاشا سارالانعان باعامى اقش دوللارى ءۇشىن 512،58 تەڭگەنى قۇرايدى.
 
سىرتقى جانە ىشكى فاكتورلار ۆاليۋتا باعامىنا تەرىس اسەر ەتەدى.
 
اقش دوللارىنىڭ جاھاندىق نىعايۋى، شيكىزات قۇنىنىڭ وزگەرۋى جانە الەمدەگى گەوساياسي جاعدايدىڭ شيەلەنىسۋى سياقتى ءبىرقاتار سىرتقى ىرگەلى فاكتورلاردىڭ وزگەرۋى اياسىندا دامۋشى نارىقتارداعى ۆاليۋتالاردىڭ تەرىس ديناميكاسى بارلىق جەردە بايقالادى. نەگىزگى الەمدىك ۆاليۋتالارعا قاتىستى اقش دوللارىنىڭ باعامىن باقىلايتىن DXY يندەكسى اي باسىنان شامامەن 2،2%-عا نىعايىپ، 106،2 پۋنكتكە دەيىن ءوستى (2024جىلدىڭ 28 قاراشاسىندا). ەم ۆاليۋتالارىنىڭ يندەكسى اي باسىنان 3،0%-عا تومەندەدى (2024 جىلعى 28 قاراشا بويىنشا).
 
دوللاردىڭ كۇش الۋى – شيكىزات تاۋرلارى ءۇشىن ادەتتەگىدەي تەرىس فاكتور. مۇناي باعاسىنىڭ تىم قۇبىلۋى، سول سەكىلدى، د.ترامپتىڭ پرەزيدەنتتىك كەزەڭىندە اقش-تان مۇناي جەتكىزىلىمدەرىنىڭ ارتۋى مەن مۇمكىن بولاتىن ساۋدا باجدارىنا قاتىستى ۇسىنىستىڭ ارتۋىنا اكەلەدى دەگەن ەكونوميستەردىڭ بولجامدارىنان پەسسيميستىك سارىن بايقالادى.
 
رەسەي فەدەراسياسىنىڭ قارجى سەكتورىنا قارسى جاڭا سانكسيالار ەنگىزۋ اياسىندا ەلدىڭ نەگىزگى ساۋدا سەرىكتەستەرىنىڭ ءبىرىنىڭ ۆاليۋتاسى – رەسەي ءرۋبلى السىرەي ءتۇستى. وسىلايشا، بيرجادا يۋان/رۋبل جۇبىنىڭ باعامى يۋان ءۇشىن 15،1 رۋبلگە جەتىپ، قاراشا ايىنىڭ باسىنان باستاپ 11،2%-عا السىرەدى. Forex حالىقارالىقۆاليۋتا نارىعىنداعى دوللاردىڭ ايىرباس باعامى 1 دوللار ءۇشىن 114،5 رۋبلدەن استى، ال رۋبل ايدىڭ باسىنان باستاپ 18%-عا السىرەدى.

سونىمەن قاتار، ىشكى ۆاليۋتا نارىعىندا ەكونوميكالىق اگەنتتەر تاراپىنان شەتەل ۆاليۋتاسىنا سۇرانىستىڭ ارتۋى جانە ۇسىنىستىڭ شەكتەلۋى، ونىڭ ىشىندە ايىرباس باعامىنىڭ پسيحولوگيالىق دەڭگەيىن ەڭسەرۋ اياسىندا بايقالدى. ماسەلەن، وسى جىلدىڭ قاراشا ايىندا ساۋدا-ساتتىقتىڭ ورتاشا تاۋلىكتىك كولەمى 238 ملن اقش دوللارىن قۇرادى، بۇل وتكەن جىلدىڭ قاراشا ايىنان (193 ملن اقش دوللارى) 1،5 ەسەگە جۋىق جانە تامىز-قىركۇيەك ايلارىنداعى ساۋدا-ساتتىقتىڭ ورتاشا تاۋلىكتىك كولەمىنەن ەداۋىر جوعارى.

وسى اتالعان فاكتورلاردىڭ جيىنتىعى تەڭگە باعامىنا قىسىم جاسايدى، جەكەلەگەن كەزەڭدەردە ساۋدا-ساتتىق بارىسىندا الىپ-ساتارلىق قىسىمعا جاعداي جاساي وتىرىپ، ۆاليۋتا نارىعىنداعى تەڭگەرىمدى بۇزعانى جانە وتىمدىلىكتىڭ تومەندىگى بايقالادى. تۇراقسىزداندىراتىن اۋىتقۋلاردى بولدىرماۋ، تەڭگەنىڭ ايىرباس باعامىنىڭ ارتىق قۇبىلمالىلىعىن تەگىستەۋ ءۇشىن جانە شەتەل ۆاليۋتاسىن ۇسىنۋدى قامتاماسىز ەتۋ ماقساتىندا ۇلتتىق بانك ۆاليۋتالىق ينتەرۆەنسيالار جۇرگىزەدى.

ۇلتتىق بانك ۆاليۋتا نارىعىنداعى احۋالعا تۇراقتى مونيتورينگ جۇرگىزەدى. ەركىن باعام قۇرۋ رەجيمى جاعدايىندا ۇلتتىق بانك ايىرباس باعامىنىڭ قانداي دا ءبىر دەڭگەيىنە باعىتتالمايدى جانە ونىڭ ترەندىنە كەدەرگى كەلتىرمەيدى، ونىڭ قالىپتاسۋى ىرگەلى فاكتورلارعا سايكەس ودان ءارى جۇزەگە اسىرىلاتىن بولادى.

قارجىلىق تۇراقتىلىق تاۋەكەلدەرى جانە ىرگەلى فاكتورلارعا سايكەس كەلمەيتىن ايىرباس باعامىنىڭ شامادان تىس قۇبىلمالىلىعى تۋىنداعان جاعدايدا، ۇلتتىق بانك ءادىل باعام ءتۇزىلۋىن قالپىنا كەلتىرۋ جانە ۆاليۋتا نارىعىنىڭ قالىپتى جۇمىس ىستەۋىن قامتاماسىز ەتۋ ءۇشىن ۆاليۋتالىق ينتەرۆەنسيالار جۇرگىزۋدى جالعاستىرۋعا دايىن"، - دەلىنگەن ۇلتتىق بانكتىڭ مالىمدەمەسىندە. 

ءسىزدىڭ رەاكسياڭىز؟
ۇنايدى
0
ۇنامايدى
0
كۇلكىلى
0
شەكتەن شىققان
1
سوڭعى جاڭالىقتار

16:33

16:28

13:27

12:23

12:17

12:15

12:13

12:05

12:03

12:01

11:59

11:57

11:55

11:53

11:51

11:46

11:43

11:41

11:39

11:37

11:34

11:31

11:29

11:26

11:24