قازاقستان قور بيرجاسى (KASE) 15:30-داعى جاعداي بويىنشا دوللاردىڭ ورتاشا سارالانعان باعامى 2،94 تەڭگەگە قىمباتتاپ، 459،52 تەڭگە بولعانىن حابارلادى، دەپ جازادى Almaty-akshamy.kz.
جۇڭگو ءيۋانىنىڭ ورتاشا سارالانعان باعامى 63 تەڭگەگە دەيىن كوتەرىلدى (+0،23).
ۇلتتىق بانك ەۋرو باعامىن 495،09 تەڭگە، رۋبل باعامىن 4،74 تەڭگە دەپ بەلگىلەدى.
اقشا ايىرباستاۋ ورىندارىندا دوللار 458،5-461،5 تەڭگە، ەۋرو 495،5-500 تەڭگە، رەسەي ءرۋبلى 4،69-4،89 تەڭگە ارالىعىندا ساۋدالانىپ جاتىر.
ايتا كەتسەك، مۇنايدىڭ الەمدىك باعاسى ءبىرشاما تومەندەدى.
ماسەلەن، ICE Futures ەلەكتروندىق ساۋداسىندا Brent ماركالى مۇنايدىڭ قاراشاداعى فيۋچەرستەرىنىڭ قۇنى 0،24%-عا ارزانداپ، باررەلىنە 88،34 دوللار بولدى.
NYMEX ەلەكتروندىق ساۋداسىندا WTI ماركالى مۇنايدىڭ قازان ايىنداعى فيۋچەرستەرى 0،26%-عا ارزانداپ، باررەلىنە 85،33 دوللار بولدى.