قازاقستان قور بيرجاسىندا (KASE) 2024 جىلعى 7 قازاندا ساعات 15:30-دا شەتەل ۆاليۋتالارى بويىنشا كۇندەلىكتى ساۋدا-ساتتىق جابىلدى، دەپ حابارلايدى aqshamnews.kz.
ساۋدا-ساتتىقتىڭ قورىتىندىسى بويىنشا دوللاردىڭ ورتاشا سارالانعان باعامى بىردەن 2،28 تەڭگەگە كوتەرىلىپ، 484،37 تەڭگە بولدى.
قىتايدا 2024 جىلدىڭ 1 قازانى مەن 7 قازانى ارالىعىنداعى مەرەكە كۇندەرىنە بايلانىستى يۋانمەن ساۋدا جۇرگىزىلمەدى.
اقشا ايىرباستاۋ ورىندارىندا دوللار 483،1-484،9 تەڭگەگە، ەۋرو 530،5-534،5 تەڭگەگە، رەسەي ءرۋبلى 4،97-5،07 تەڭگەگە ساتىلۋدا.
بۇل رەتتە 7 قازانداعى اۋكسيوندا مۇنايدىڭ الەمدىك باعاسى تومەندەپ جاتىر.
وسىلايشا، Brent ماركالى مۇناي فيۋچەرستەرى 0،4%-عا تومەندەپ، باررەلىنە 77،74 دوللاردى قۇرادى.
اقش-تىڭ باتىس تەحاس مۇنايىنىڭ فيۋچەرستەرى 0،27%-عا تومەندەپ، باررەلىنە 74،18 دوللاردى قۇرادى.
تاڭەرتەڭ ۇلتتىق بانك دوللار باعامىن 481،84 تەڭگە، ەۋرونى 531،33 تەڭگە، ءرۋبلدى 5،07 تەڭگە دەپ بەلگىلەدى.