«پاندەميا اياقتالدى. بىزدە ءالى دە COVID ماسەلەسى بار».
اقش پرەزيدەنتى دجو بايدەن CBS تەلەارناسىنا بەرگەن سۇحباتىندا COVID-19 پاندەمياسى تۋرالى وسىلاي دەپ مالىمدەدى، دەپ حابارلايدى Almaty-akshamy.kz
«ءبىز ءالى دە كوپ جۇمىس ىستەپ جاتىرمىز. ءبىراق پاندەميا اياقتالدى. بايقاساڭىز، ەشكىم ماسكا تاقپايدى. بارلىعى وتە جاقسى جاعدايدا سياقتى»، - دەدى دجو بايدەن.
31 تامىزدا اقش سايلاۋ كوميسسياسىنا بايدەننىڭ قايتا سايلانۋىن قولدايتىن قوزعالىستان ءوتىنىش ءتۇستى. بايدەننىڭ سايلاۋالدى ناۋقانى مەن ونىڭ ەكىنشى مەرزىمگە كانديداتۋراسىن قولداۋ ناۋقانى ءۇشىن قاراجات جينايتىن قوزعالىس Biden for Prezident دەپ اتالادى.
9 قىركۇيەكتە بايدەن ترامپتى كاپيتولييدى باسىپ الۋعا قاتىسۋشىلارعا ۋادە بەرگەنى ءۇشىن سىنعا الدى. بايدەن بۇرىنعى مەملەكەت باسشىسى دونالد ترامپتىڭ كاپيتولييگە شابۋىلعا قاتىسۋشىلارعا راقىمشىلىق جاساۋ تۋرالى ۋادەسى دەموكراتيا تۇجىرىمداماسىنا قايشى كەلەتىنىن ايتتى.