دجەكي چان دومبىراعا قوسىلىپ ءان سالدى

اتاقتى اكتەر دجەكي چاننىڭ دومبىرامەن ءان سالىپ وتىرعان بەينەجازباسى تارادى.

بەينەجازبادا كينو الەمىندەگى ەڭ تانىمال ەكشەن-كەيىپكەرلەردىڭ ءبىرى دجەكي قازاقتىڭ ۇلتتىق اسپابىنىڭ سۇيەمەلدەۋىمەن قىتايشا ءان شىرقاپ وتىر، دەپ حابارلايدى Almaty-akshamy.kz Elorda.info-عا سىلتەمە جاساپ. 

بۇعان ريزا بولعان وتانداستارىمىز «ءبىزدىڭ ديماش دجەكي چانعا موتيۆاسيا بەرگەن»، «جارايسىڭ، دجەكي چان!»، «دجەكي چان بالالىق شاعىمىزدى ءوز فيلمدەرىمەن قىزىقتى ەتتى» دەگەن سيپاتتاعى پىكىرلەر قالدىردى. 

ايتا كەتەيىك، دجەكي چان 1954 جىلدىڭ 7 ساۋىرىندە گونكونگتە تۋعان. ول – اتاقتى قىتايلىق جانە امەريكالىق اكتور، كاسكادور، كينورەجيسسور، پروديۋسەر، سەناريسشى، شايقاس كورىنىستەرىن قويۋشى، ءانشى، يۋنيسەف ەلشىسى.

دجەكي چان – الەمدەگى ەڭ تانىمال ەكشەن-كەيىپكەرلەردىڭ ءبىرى، ول اكروباتيكالىق جەكپە-جەك ستيلىمەن، كومەديالىق دارىنىمەن، سونداي-اق جەكپە-جەكتە "يمپروۆيزاسيالانعان قۇرالداردىڭ" بارلىق تۇرلەرىن قولدانۋمەن تانىمال. ول 100-دەن استام فيلمدە وينادى جانە الەمدەگى ەڭ تانىمال ازيالىق اكتەرلەردىڭ ءبىرى. كينودان باسقا، ول انشىلىك مانساپپەن دە اينالىسادى. كوپتەگەن فيلمدەرىندە ءان ايتادى جانە 1980 جىلداردان باستاپ البومدار شىعارادى.

كينو ونەرىنە قوسقان ۇلەسى ءۇشىن "وسكار" قۇرمەتتى سىيلىعىنىڭ يەلەنگەن.