ق ر ەنەرگەتيكا ءمينيسترى بولات اقشولاقوۆ ايتۋىنشا، كورشى ەلدەردەگى باعا كۇرت كوتەرىلگەن كەزدە، ءبىز ديزەل ءوندىرۋ كولەمىن ارتتىرساق تا، كۇز ايلارىندا ونىڭ تاپشىلىعى بولعان، دەپ حابارلايدى Almaty-akshamy.kz.
«وسى جىلى دا باعاداعى ايىرماشىلىق ساقتالىپ وتىر. ناتيجەسىندە وتكەن جىلعى ناۋرىز ايىمەن سالىستىرعاندا تۇتىنۋ كولەمى 15%-عا ارتقانىن كورىپ وتىرمىز. بۇل جاعداي ساقتالا بەرسە، ونسىز دا شەتەل اسىپ وتىرعان قازاقستاندىق ديزەلدىڭ كولەمى ارتا ءتۇسىپ، بيىلدىڭ وزىندە 850 مىڭ توننا دەفيسيتكە تاپ بولۋىمىز مۇمكىن»، - دەدى مينيستر بريفينگ بارىسىندا.
الدىڭعى جىلدارى تاپشىلىقتى ءوندىرۋ كولەمىن ارتتىرۋ ارقىلى جاۋىپ وتىرساق، ءقازىر وتاندىق مۇناي زاۋىتتارى ماكسيمالدى رەجيمدە جۇمىس جاساپ تۇر. الداعى 6 جىلدا ديزەل كولەمىن بىرنەشە ەسە ارتتىراتىن مۇمكىندىك جوق.
«اتالعان سەبەپتەرگە بايلانىستى قازاقستان ارزان وتىنمەن باسقا ەلدەردىڭ ەكونوميكاسىن سۋبسيديالاندىرىپ، ءوز ۇلتتىق مۇددەسىنە زيانى ءتيىپ جاتىر دەپ ايتۋعا تولىق نەگىز بار»، - دەپ اتاپ ءوتتى ەنەرگەتيكا ءمينيسترى بولات اقشولاقوۆ.