بۇل جوباعا اۋداندىق ماڭىزى بار قالالار دا قوسىلادى.
سەناتتىڭ جالپى وتىرىسىندا قازاقستاننىڭ پرەمەر-مينيسترىنىڭ ءبىرىنشى ورىنباسارى رومان سكليار اۋىلعا باراتىن جاس ماماندارعا بەرىلەتىن نەسيە سوماسى وسەتىنىن ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ديپلوممەن - اۋىلعا» جوباسى دا جالعاسىپ كەلەدى. بىرىنشىدەن، اۋىلعا باراتىن جاس ماماندارعا ءۇي الۋعا نەمەسە جاڭادان ءۇي سالۋعا بەرىلەتىن نەسيە سوماسىن وسىرەمىز دەپ جوسپارلاپ وتىرمىز. ول ءقازىر 1 500 ايلىق ەسەپتىك كورسەتكىشكە تەڭ. ەندى اۋدان ورتالىعىنا 2 500 اەك-كە دەيىن، اۋىلدار مەن كەنتتەر ءۇشىن 2 000 اەك-كە دەيىن اسىرماقپىز. ەكىنشىدەن، شەكاراعا جاقىن اۋىلدارعا باراتىن جاس ماماندارعا كوتەرمە جاردەماقى بار. ءقازىر ول 100 اەك بولسا، سونى 200 اەك-كە دەيىن وسىرەمىز»، - دەدى رومان سكليار.
ونىڭ ايتۋىنشا، بۇل جوباعا اۋداندىق ماڭىزى بار قالالار دا قوسىلادى.
بۇدان بۇرىن حابارلانعانداي، رومان سكليار «اۋىل – ەل بەسىگى» جوباسىن ىسكە اسىرۋ بارىسى جايىندا ايتتى.