دينارا ءسادۋاقاسوۆا الەم چەمپيوناتىنىڭ قولا جۇلدەگەرى اتاندى

جارىسقا الەمنىڭ 12 ەلىنەن ەڭ مىقتى ايەلدەر قۇراماسى قاتىستى.

قازاقستاندىق گروسسمەيستەر دينارا ءسادۋاقاسوۆا ايەلدەر اراسىنداعى فيدە (FIDE World Women’s Team Championship) كوماندالىق الەم چەمپيوناتىنىڭ قولا جۇلدەگەرى اتاندى، دەپ حابارلايدى Almaty-akshamy.kz Baq.kz-كە سىلتەمە جاساپ.
يسپانيادا ايەلدەر اراسىنداعى فيدە (FIDE World Women’s Team Championship) كوماندالىق الەم چەمپيوناتى ءوتتى. جارىسقا الەمنىڭ 12 ەلىنەن ەڭ مىقتى ايەلدەر قۇراماسى قاتىستى: امەريكا، ءازىربايجان، ارمەنيا، گەرمانيا، گرۋزيا، ءۇندىستان، يسپانيا، قازاقستان، پولشا، فشر (رەسەي)، ۋكراينا جانە فرانسيا ەلدەرىنىڭ قۇراماسى.
چەمپيوناتتا جانسايا ابدىمالىك، دينارا ءسادۋاقاسوۆا، مەرۋەرت كاماليدەنوۆا جانە گۇلميرا داۋلەتوۆا سىندى مىقتىلارى بار قازاقستان قۇراماسى شاحمات تاقتاسىندا ونەر كورسەتتى.
بۇگىن قازاقستاندىق گروسسمەيستەر دينارا ءسادۋاقاسوۆا كوماندالىق چەمپيوناتتىڭ قولا جۇلدەگەرى اتانعانىن جازدى.
- مەدال توسىن سىي بولدى، ويتكەنى كوماندالىق جارىستاردا جالپى ناتيجەگە نازار اۋداراسىڭ جانە جەكە تاقتادا بولسا دا، قازاقستان جۇلدەگەرلەر قاتارىنان كورىنگەنىنە قۋانىشتىمىن، - دەدى دينارا Facebook پاراقشاسىندا.