ءدىن كوشباسشىلارىنىڭ سەزى كەلەسى جىلى وتەدى

ەلوردادا كەلەر جىلى وتەتىن ءدىن كوشباسشىلارى سەزىنە دايىندىق پىسىقتالدى

حاتشىلىققا قاراستى جۇمىس توبىنىڭ وتىرىسىنا بەدەلدى حالىقارالىق ۇيىمدار مەن قازاقستان، ساۋد ارابياسى، پاكىستان، ەگيپەت، يران، رەسەي، ۆاتيكان، يزرايل سەكىلدى ەلدەردەن ءدىني بىرلەستىك وكىلدەرى جينالدى. حاتشىلىقتىڭ ەرتەڭگە جوسپارلانعان وتىرىسىندا VII سەزدىڭ رەسمي كۇن ءتارتىبى قابىلدانىپ، وتەتىن كۇنى بەلگىلەنەدى. جالپى، الەمدىك جانە ءداستۇرلى دىندەر كوشباسشىلارىنىڭ باسقوسۋى بيىل ءوتۋى ءتيىس بولاتىن، الايدا كوروناۆيرۋس پاندەمياسىنا بايلانىستى كەلەسى جىلعا اۋىستىرىلدى، دەپ حابارلادى Almaty-akshamy.kz

ايتا كەتەيىك، قازاقستان استاناسىندا 2003 جىلدان بەرى ءوتىپ كەلە جاتقان الەمدىك جانە ءداستۇرلى ءدىن باسشىلارىنىڭ سەزى بۇگىندە جاھاندىق ديالوگ الاڭىنا اينالعان.

«الداعى جىلعا جوسپارلانعان VII سەزگە دايىندىق ءجۇرىپ جاتىر. مەنىڭ ويىمشا، الەمدەگى ءدىني تولەرانتتىلىق، ەكسترەميزم ماسەلەلەرى اسا وزەكتى. وسى رەتتە، اسىرەسە، پاندەميادان كەيىن پىكىر الماسۋ وتە ماڭىزدى دەپ ويلايمىن. وسىنداي جيىنداردىڭ پايداسى مول. ويتكەنى ءبىز ءبىر-بىرىمىزدى، ءبىر-بىرىمىزدىڭ ءداستۇرىمىزدى تاني تۇسەمىز. الەمدە ايەلدەر ءۇشىن مۇمكىندىكتەر اشىلعانىن قالايمىن. مەنىڭشە، ايەلدەردىڭ باسشىلىق ەتۋدەگى مۇمكىندىكتەرىن كەڭەيتىپ، ولاردىڭ ۇلەسىن مويىنداۋ كەرەك»، - انگليا شىركەۋىنىڭ وكىلى دجو بەيلي ۋەللس.

«تالقىلانىپ جاتقان ماسەلەلەر – كەلەر جىلعى كۇن ءتارتىبى. ۇسىنىستارىن سۇراپ وتىرمىز، ءبىز ءوز ۇسىنىستارىمىزدى ايتىپ وتىرمىز. ءبىراق ولاردىڭ دا پىكىرلەرى كەرەك. ەڭ باستى تاقىرىپ – پاندەميادان كەيىنگى جاعداي، ءدىن باسشىلارىنىڭ ءرولى»، - ق ر اقپارات جانە قوعامدىق دامۋ ۆيسە-مينيسترى سەرىك ەگىزبايەۆ.