الەمدىك جانە ءداستۇرلى ءدىن كوشباسشىلارىنىڭ VII سەزىنىڭ جابىلۋ سالتاناتى ءوتتى.
وندا 2025 جىلعا جوسپارلانعان VIIءى سەزدى دە قازاقستاندا وتكىزۋ تۋرالى شەشىم قابىلداندى، دەپ حابارلايدى قازاقپارات ءتىلشىسى.
«ءبىز قازاقستان رەسپۋبليكاسىنا سەزدى تاماشا ۇيىمداستىرعانى ءۇشىن، ال قازاقستان حالقىنا مەيىرىمدىلىگى مەن قوناقجايلىلىعى ءۇشىن العىسىمىزدى بىلدىرەمىز.
ءبىز الەمدىك جانە ءداستۇرلى دىندەر ليدەرلەرى سەزىنىڭ قىزمەتىن جالعاستىرۋعا ۇجىمدىق مۇددەلىلىگىمىزدى جانە كەلەسى VIII سەزدى 2025 جىلى قازاقستان رەسپۋبليكاسىنىڭ استاناسى نۇر-سۇلتان قالاسىندا وتكىزۋ نيەتىمىزدى راستايمىز»، - دەپ جازىلعان دەكلاراسيا ماتىنىندە.
دەكلاراسيانىڭ ءماتىنىن تانىستىرعان سەزدەگى انگليكان شىركەۋىنىڭ ارنايى وكىلى، دوركينگ ەپيسكوپى دجو بەيلي ۋەللستىڭ ايتۋىنشا، دەكلاراسيا بۇكىل الەمدەگى بيلىككە، ساياسي كوشباسشىلارعا، ءدىن قايراتكەرلەرىنە، ءتيىستى وڭىرلىك جانە حالىقارالىق ۇيىمدارعا، ازاماتتىق قوعام ينستيتۋتتارىنا، ءدىني بىرلەستىكتەر مەن جەتەكشى ساراپشىلارعا بەرىلەدى. سونداي-اق بۇۇ باس اسسامبلەياسىنىڭ 77ء-شى سەسسياسىنىڭ رەسمي قۇجاتى رەتىندە تاراتىلادى.