ونىڭ بۇرىنعى ءاتى-جونى – الەكسەەنكو كريستينا نيكولايەۆنا.
ديماشتىڭ شىعارماشىلىعىمەن 2019 جىلدان بەرى تانىس رەسەيلىك فانات ءانشىنىڭ تەگىنە اۋىسىپ الدى، دەپ حابارلايدى Almaty-akshamy.kz
بۇل تۋرالى فانات ءوزىنىڭ ينستاگرام پاراقشاسىندا جازدى.
«رەسمي تۇردە كۋدايبەرگەنوۆا بولدىم! وزىمە قاتتى ۇنايدى. مىنا فاميليامەن ەسىمىم دە ادەمى ۇيلەسەدى. دي العاشقى سەكۋندتاردا-اق مەنىڭ جۇرەگىمدى جاۋلاپ العان سياقتى. سول كەزدە-اق «قۇدايبەرگەن (وۆ)» دەگەن قۇلاعىما جاعىمدى ەستىلدى»، - دەپ جازدى كريستينا ينستاگرام جەلىسىندە.
كريستينانىڭ جازۋىنشا، 2021 جىلدىڭ قاڭتارىندا اتا-اناسى، سول جىلدىڭ ساۋىرىندە اجەسى قايتىس بولعان. تىڭدارمان قايعىسىنا ديماشتىڭ انىنەن جۇبانىش تاپقانىن جازادى.
«ديماشتىڭ اندەرىن قايتا-قايتا تىڭدادىم، جۇرەگىمنىڭ اۋىرعانىن باستى. ومىرگە دەگەن قۇلشىنىسىم وياندى. ءومىر ءسۇرۋىم كەرەك ەكەنىن ءتۇسىندىم. ماعان جاساعان جاقسىلىعىنىڭ وتەۋىنە فاميلياسىن الامىن. ديماشقا شەكسىز راقمەت»، - دەپ جازدى ول.
