ديماشتىڭ ورىنداۋىنداعى ءان جاپوندىق تەلەارنادا شىرقالدى

ديماشتىڭ ءانى ABU TV 2021 ەڭ ۇلكەن ءان فەستيۆالىندە كورسەتىلەدى

31 جەلتوقساندا جاپونيانىڭ NHK ۇلتتىق تەلەارناسىندا ABU TV 2021 ەڭ ۇلكەن ءان فەستيۆالى كورسەتىلەدى. كونسەرتتىڭ كورسەتىلىمىندە ديماشتىڭ ايگىلى «Ikanaide» ءانى شىرقالادى، دەپ حابارلايدى Almaty-akshamy.kz 

ABU TV Song Festival-ازيا - تىنىق مۇحيتى حابار تاراتۋ وداعىنىڭ جىل سايىنعى باس اسسامبلەياسى اياسىندا وتكىزىلەتىن ازيانىڭ كاسىبي مۋزىكانتتارىنىڭ ءىرى كونسەرتى.

بيىل فەستيۆال 18 قاراشادا مالايزيادا ونلاين فورماتتا ءوتتى. وعان الەمنىڭ 10 ەلىنەن تانىمال ۆوكاليستەر قاتىستى. كونسەرتتە قازاقستان اتىنان «سلاۆيان بازارى» بايقاۋىنىڭ جەڭىمپازى امرە اتىمەن تانىمال ەرنار سادىربايەۆ تا ونەر كورسەتتى.

ABU TV Song Festival 2021 كورسەتىلىمى جاپونيانىڭ «NHK World Japan» تەلەارناسىندا 30-31 جەلتوقسانعا قاراعان ءتۇنى (توكيو ۋاقىتى بويىنشا 0:35) وتەدى، ال كەڭ اۋديتوريا ءۇشىن 2022 جىلدىڭ 22 جانە 23 قاڭتارىندا قولجەتىمدى بولادى.

ديماش قۇدايبەرگەن ABU TV Song Festival ەفيرىندە «Ikanaide» انىمەن ارنايى قوناق رەتىندە ونەر كورسەتەدى. العاش رەت جاپون تىلىندە ديماشتىڭ ورىنداۋىندا اڭىزعا اينالعان كومپوزيسيا 2021 جىلدىڭ 28 قاراشاسىندا توكيو دجاز فەستيۆالىندە شىرقالدى.