«قازاقستاننىڭ سۇلۋلىعى جۇرەگىمدى جاۋلاپ الدى»
يندونەزيادان كەلگەن ديماشتىڭ فاناتى قولدان جاسالعان ءوزىنىڭ ۇلتتىق كيىمىن ۇسىندى. بويجەتكەن ونى جاساۋعا قازاقستاننىڭ بىرەگەي مادەنيەتى شابىت بەرگەنىن ايتتى، دەپ حابارلايدى Almaty-akshamy.kz ءانشىنىڭ رەسمي سايتىنا سىلتەمە جاساپ.
يندونەزيالىق Dimash Indonesian Dears فان-كلۋبىنىڭ مۇشەسى كيكي چان ۇزاق ۋاقىت بويى قىزىقتى حوببي-كوسپلەيمەن اينالىسادى.
ول ءوز قولىمەن كومپيۋتەرلىك ويىنداردىڭ، كينوتەاتردىڭ، ادەبيەتتىڭ، كوميكستەردىڭ، انيمە نەمەسە مانگانىڭ سۇيىكتى كەيىپكەرلەرىنىڭ كوستيۋمدەرىن جاسايدى.
بىردە كيكي چانعا قازاقتىڭ ۇلتتىق ستيلىندە ءوز كوستيۋمىن جاساۋ يدەياسى كەلدى.
«ديماش ءارقاشان تۋعان ەلىنىڭ مادەنيەتىنە ۇلكەن سۇيىسپەنشىلىكپەن قارايدى. جەكە مەن ءۇشىن قازاقستان مادەنيەتىنىڭ كەرەمەتتىگى مەن بىرەگەيلىگى سونشالىق، ماعان ءداستۇرلى قازاق كوستيۋمىن كيىپ كورۋ نەمەسە قانداي دا ءبىر ۇلتتىق مۋزىكالىق اسپاپتا ويناپ كورۋ وتە قىزىقتى بولدى. قازاقستاننىڭ سۇلۋلىعى مەنىڭ جۇرەگىمدى جانە بۇكىل الەمدەگى بارلىق Dears – ءتىڭ جۇرەگىن جاۋلاپ الدى»، – دەدى كيكي چان.
كيكي چان كوستيۋم جاساۋ ءۇشىن وتە مۇقيات جۇمىس ىستەدى. بويجەتكەن كوپتەگەن يدەيالاردى قايتا قاراپ، ماتەريالداردى تاڭداعان.
بۇل قازاق تۋى بەينەلەنگەن پلاششتاعى قازاق قىزىنىڭ بەينەسى ەدى.
سونىمەن قاتار، تۇجىرىمدامادا قازاقستاننىڭ سۋىق جانە قارلى كليماتىن بەينەلەيتىن ۇلپىلدەك اق تەرى بار.
«مەن جالاۋدى مونشاقتارمەن وتە مۇقيات كەستەلەدىم. ەندى مەن دايىن مانتيانى ۇلكەن قۇرمەتپەن كيەمىن، ويتكەنى تۋ – ەلدىڭ سيمۆولى. مەن يندونەزيا مەن قازاقستان اراسىنداعى دوستىقتى بىلدىرە وتىرىپ، قازاق مادەنيەتىن ەلەستەتە الاتىنىمدى ماقتان تۇتامىن. سوندىقتان مەن وسى كوستيۋمدى جاساۋعا كىرىسكەنىمە وتە قۋانىشتىمىن»، – دەدى كيكي چان.
