كۋبا تەلەارناسىنىڭ «De La Gran Escena» («ۇلى ساحنادا») باعدارلاماسىندا قازاقستاندىق ورىنداۋشىنىڭ ءانى تاعى دا شىرقالدى.
ديماش قۇدايبەرگەننىڭ «Olimpico» تانىمال ءانى Cubavisión ۇلتتىق تەلەارناسىنىڭ «La música، ese placer» («مۋزىكا – بۇل جان راقاتى») باعدارلاماسىنىڭ شىمىلدىعىن جاپتى، دەپ حابارلايدى Almaty-akshamy.kz Dimashnews.com سايتىنا سىلتەمە جاساپ.
«De La Gran Escena» («ۇلى ساحنادا») باعدارلاماسى العاش رەت 1985 جىلى ەفيرگە جول تارتتى. ول بارلىق كەزەڭدەگى كۋبالىق جانە الەمدىك مۋزىكالىق شىعارمالاردىڭ ەڭ تانىمالدارىن ۇسىنادى. باعدارلامانى تەلەارنانىڭ ەڭ بەدەلدى جۋرناليستەرى جۇرگىزەدى.
«ءبىزدىڭ سۇيىكتى ءانشىمىزدى تەلەارنادان كورسەتۋدى سۇراعان كۋبالىق Dears-كە تاعى دا العىس ايتقىمىز كەلەدى! وسىنىڭ ارقاسىندا ديماشتىڭ شىعارماشىلىعىمەن ادامدار تاعى دا كوپتەپ تانىسادى دەگەن ۇمىتتەنەمىز»، – دەپ ءارتىستىڭ كۋبالىق جانكۇيەرلەرى Instagram-اككاۋنتىندا ءبولىستى.