قۇتتىقتاۋ!
دۇنيەگە ايگىلى ءانشى ديماش قۇدايبەرگەن قازاقستاندىقتاردى تاۋەلسىزدىكتىڭ 30 جىلدىق مەرەيتويىمەن قۇتتىقتادى، دەپ حابارلايدى Almaty-akshamy.kz
«قۇرمەتتى وتانداستار! اتا-بابامىز عاسىرلار بويى اڭساعان تاۋەلسىز ەل بولعانىمىزعا بيىل 30 جىل تولىپ وتىر. رۋحى بيىك، نامىسى بەرىك ۇلتىمىزدىڭ عاسىرلار بويعى اسىل مۇراتى — ازاتتىقتى ايالاۋ، حالقىمىزدىڭ تاتۋلىعىن ساقتاۋ – ءبىزدىڭ باستى مۇراتىمىز. بوستاندىق پەن ەركىندىكتىڭ باستاۋى سانالاتىن وسى سالتاناتتى كۇنى بارشاڭىزعا يگىلىك پەن باقىت، باق-داۋلەت، ىرىس، نەسىبە تىلەيمىن»، – دەدى ءانشى بەينەۇندەۋىندە.
ول قازاقستاندىقتارعا ەل دامۋى مەن كەمەلدەنۋى جولىنداعى ەڭبەگىنە تابىس، بارلىق باستاماسىنا ساتتىلىك تىلەدى.
«بىرلىگىمىز بەكەم، تىرلىگىمىز تياناقتى بولسىن، اعايىن! تاۋەلسىزدىگىمىزدىڭ تۇعىرى بيىك بولعاي! ۇلتتىق، مەملەكەتتىك رۋحىمىز اسقاق بولعاي!» – دەدى ديماش قۇدايبەرگەن.