«قازاقستاننىڭ حالىق ءارتىسى» بيىلدان باستاپ قايتا بەرىلە باستادى.
قۇرمەتتى اتاققا يە بولعانداردىڭ ءبىرى ەسىمى الەمگە تانىلعان قازاقتىڭ ماقتانىشى، جاس ءانشى - ديماش قۇدايبەرگەن، دەپ حابارلايدى Almaty-akshamy.kz.
ۇلتتىق مەرەكە – رەسپۋبليكا كۇنى قارساڭىندا پرەزيدەنت قاسىم-جومارت توقايەۆتىڭ جارلىعىمەن ەلىمىزدىڭ الەۋمەتتىك-ەكونوميكالىق، مادەني-رۋحاني دامۋىنا، حالىقتار اراسىنداعى دوستىق پەن ىنتىماقتاستىقتى نىعايتۋعا قوسقان ەلەۋلى ۇلەسى مەن بەلسەندى قوعامدىق قىزمەتى ءۇشىن ءبىر توپ ازامات مەملەكەتتىك ناگرادالارمەن ماراپاتتالدى. سولاردىڭ قاتارىندا «قازاقستاننىڭ حالىق ءارتىسى» قۇرمەتتى اتاعىن يەلەنگەن تۇلعالار دا بار.
سونىمەن «قازاقستاننىڭ حالىق ءارتىسى» اتاعى ءبيىل ەلىمىزدىڭ كورنەكتى مادەنيەت قايراتكەرلەرى، تەاتر جانە كينو اكتەرلەرى د.احيموۆقا، م.توكاريەۆ پەن د.اقمولداعا، وپەرا انشىلەرى ش.ءابىلوۆ پەن ت.كۇزەنبايەۆقا، اتاقتى انشىلەر ر.ستامعازييەۆكە، د.قۇدايبەرگەنگە جانە كۇيشى ا.ۇلكەنبايەۆاعا بەرىلدى.