جاقىندا بيلەتتەر ساتىلا باستايدى.
ديماش قۇدايبەرگەن جەلتوقساندا گونكونگتا جەكە ءان كەشىن وتكىزەدى، دەپ حابارلايدى Almaty-akshamy.kz
وسىعان بايلانىستى ول جانكۇيەرلەرىنە حابارلاما جاسادى.
ءانشى، مۋزىكانت، ارتيست گونكونگتا 7 جىلدان كەيىن جەكە ءان كەشىن وتكىزەتىنىن ايتتى. ديماش وسىدان 7 جىل بۇرىن العاش رەت قىتايعا اياق باسقانىن ەسكە سالدى. ول قازاق حالقى ءۇشىن جەتى سانى كيەلى ەسەپتەلەتىنىن دە جانكۇيەرلەرىنە قۇلاققاعىس ەتتى.
"Dears! 23 جەلتوقسان كۇنى مەنىڭ گونكونگتاعى جەكە كونسەرتىم وتەتىنىن قۋانا حابارلايمىن! بۇل – ەرەكشە كۇن. ويتكەنى ءدال وسى كۇنى، 7 جىل بۇرىن، مەن قىتايعا العاش رەت اياق باسقان ەدىم. سودان كەيىن سىزدەرمەن شىعارماشىلىق جولىمنىڭ قىزىق ساتتەرى باستالدى! 7 سانى قازاق حالقى ءۇشىن ەرەكشە. سوندىقتان وسى مەرەيتويدا سىزدەرمەن گونكونگتا STRANGER كونسەرت تۋرىمدى جالعاستىرۋ ءۇشىن كەزدەسەتىنىمىزگە قۋانىشتىمىن! جاقىندا بيلەتتەر ساتىلا باستايدى"، - دەپ جازدى ديماش قۇدايبەرگەن ءوزىنىڭ Instagram-داعى پاراقشاسىندا.