الماتى سوتى شەشىمىمەن 7 ناۋرىزىنا دەيىن ۇزارتىلدى.
«ديكيي ارمان» لاقاپ اتىمەن تانىمال ارمان جۇماگەلدييەۆتىڭ قاماۋدا ۇستاۋ مەرزىمى 2023 جىلدىڭ 7 ناۋرىزىنا دەيىن ۇزارتىلدى، دەپ حابارلايدى Almaty-akshamy.kz.
«الماتى مامانداندىرىلعان اۋدانارالىق تەرگەۋ سوتىنىڭ 2022 جىلعى 29 جەلتوقسانداعى اقپاراتى بويىنشا، سوت قاۋلىسىمەن تەرگەۋ ورگاندارىنىڭ د.-عا قاتىستى قاماۋدا ۇستاۋ مەرزىمىن 2023 جىلدىڭ 7 ناۋرىزىنا دەيىن ۇزارتۋعا سانكسيا بەرۋ تۋرالى ءوتىنىشى قاناعاتتاندىرىلدى»، - دەپ حابارلادى الماتى قالالىق سوتىنىڭ باسپا ءسوز قىزمەتى.
ەسكە سالايىق، بىلتىر 7 قاڭتاردا الماتىدا پوليسەيلەر «ديكيي ارمان» لاقاپ اتىمەن تانىمال قىلمىس الەمىنىڭ «بەدەلدىسى» ارمان جۇماگەلدييەۆتى ۇستاعان بولاتىن.
كەيىن ق ر باس پروكۋراتۋراسى «ديكيي ارماننىڭ» ۇلتتىق قاۋىپسىزدىك قىزمەتىنىڭ تەرگەۋ يزولياتورىندا وتىرعانىن جەتكىزدى.
باس پروكۋرور بەرىك اسىلوۆ كەشە ءماجىلىس وتىرىسىندا ءمالىم ەتكەندەي، تەرگەۋ ۆەرسياسى بويىنشا الماتىدا جۇماگەلدييەۆ (لاقاپ اتى «ديكيي ارمان») ەرەكشە ءرول اتقارعان»، ونىڭ ارەكەتىن ۇقك-دەگى كۋراتورى ۇيلەستىرگەنى انىقتالدى.