«ەگەمەن قازاقستان» رگ» ج ش س باس ديرەكتورى لاۋازىمىنا ديحان قامزابەك ۇلى تاعايىندالدى، دەپ حابارلايدى Almaty-akshamy.kz Egemen.kz سىلتەمە جاساپ.
جاڭا باسشىنى ۇجىمعا اقپارات جانە قوعامدىق دامۋ ءمينيسترى دارحان ءقىدىرالى تانىستىرىپ، ديحان قامزابەكۇلىنا جۇكتەلگەن لاۋازىمنىڭ جاۋاپتى قىزمەت ەكەنىن ايتا وتىرىپ، ساتتىلىك تىلەدى.
ديحان قامزابەك ۇلى 1966 جىلى 19 ماۋسىمدا وڭتۇستىك قازاقستان وبلىسى تۇلكىباس اۋدانىندا دۇنيەگە كەلگەن. اباي اتىنداعى قازاق مەملەكەتتىك پەداگوگيكا ينستيتۋتىن قازىرگى اباي اتىنداعى قازاق ۇلتتىق پەداگوگيكا ۋنيۆەرسيتەتىن ءتامامداعان.
فيلولوگيا عىلىمدارىنىڭ دوكتورى، پروفەسسور، مەملەكەتتىك «دارىن» جاستار سىيلىعىنىڭ، قازاقستان رەسپۋبليكاسى جۋرناليستەر وداعىنىڭ سۇلتانبەك قوجان ۇلى اتىنداعى سىيلىعىنىڭ، قازاقستان رەسپۋبليكاسى پرەزيدەنتى ستيپەندياسىنىڭ يەگەرى، ق ر ۇعا كوررەسپوندەنت-مۇشەسى.
1990-1996 جىلدارى قازاقستان رەسپۋبليكاسى ۇلتتىق عىلىم اكادەمياسى مۇحتار اۋەزوۆ اتىنداعى ادەبيەت جانە ونەر ينستيتۋتىنىڭ عىلىمي قىزمەتكەرى بولىپ ەڭبەك جولىن باستادى.
1996-2000 جىلدارى ل.ن.گۋميليەۆ اتىنداعى ەۋرازيا ۋنيۆەرسيتەتى قازاق ادەبيەتى كافەدراسىنىڭ مەڭگەرۋشىسى، 2000-2001 جىلدارى ل.ن.گۋميليەۆ اتىنداعى ەۋرازيا ۋنيۆەرسيتەتىنىڭ اعا عىلىمي قىزمەتكەرى، 2001-2004 جىلدارى قازاق ۇلتتىق مۋزىكا اكادەمياسى ءتىل جانە ادەبيەت كافەدراسىنىڭ مەڭگەرۋشىسى، 2004-2005 جىلدارى ل.ن.گۋميليەۆ اتىنداعى ەۋرازيا ۇلتتىق ۋنيۆەرسيتەتى گۋمانيتارلىق ينستيتۋتىنىڭ ديرەكتورى قىزمەتتەرىن اتقارعان. 2005 جىلدان باستاپ ل.ن.گۋميليەۆ اتىنداعى ۇلتتىق ەۋرازيا ۋنيۆەرسيتەتىنىڭ وقۋ-ادىستەمەلىك جۇمىس جونىندەگى پرورەكتورى، ۋنيۆەرسيتەت جانىنداعى «الاش» مادەنيەت جانە رۋحاني دامۋ ينستيتۋتىنىڭ ديرەكتورى بولىپ قىزمەت ەتكەن.
سونىمەن قاتار قامبار احمەتوۆ «ەگەمەن قازاقستان» رگ» ج ش س باس ديرەكتورىنىڭ ورىنباسارى بولدى.
ەسكە سالا كەتسەك، رەسپۋبليكالىق گازەتتىڭ بۇرىنعى باسشىسى دارحان ءقىدىرالى اقپارات جانە قوعامدىق دامۋ ءمينيسترى قىزمەتىنە تاعايىندالعان ەدى.