اباي اتىنداعى قازۇپۋ تاربيە، الەۋمەتتىك جۇمىستار جانە جاستار ساياساتى دەپارتامەنتىنىڭ ديرەكتورى ديدار دىلدابەك 20 قاراشا كۇنى وتەتىن كەزەكتەن تىس پرەزيدەنت سايلاۋى تۋرالى پىكىرىن ورتاعا سالدى، دەپ حابارلايدى Almaty-akshamy.kz.
«الەمدەگى جاعدايدى ءبارىمىز دە بىلەمىز. ەلىمىزدەگى كەزەكتەن تىس پرەزيدەنتتى سايلاۋ ناۋقانى وسىنداي الماعايىپ ۋاقىتتىڭ تالابىنان تۋىپ وتىرعاندىعى ءسوزسىز. ءدال ءقازىر ءبىز ۇلكەن ءبىر وزگەرىستەردىڭ الدىندا تۇرمىز. جازدا وتكەن رەفەرەندۋم سول وزگەرىستەردىڭ باستاۋى بولاتىن. الدىمىزدا كۇتكەندەگىدەي ناتيجەگە جەتكىزەتىن جول تۇر. ول جولعا اكەلەتىن نارسە – پرەزيدەنت سايلاۋى. ياعني بۇل – حالىق ءۇشىن ءمانى زور وزگەرىستەر كەزەڭىنىڭ باسى»، – دەدى اباي اتىنداعى قازۇپۋ تاربيە، الەۋمەتتىك جۇمىستار جانە جاستار ساياساتى دەپارتامەنتىنىڭ ديرەكتورى ديدار دىلدابەك.