سوفيا قالاسىندا ءوتىپ جاتقان ديەۆيس كۋبوگىنىڭ پلەي-وفف ماچىندا قازاقستان قۇراماسى بولگاريادان باسىم ءتۇستى.
قازاقستاننىڭ ءبىرىنشى راكەتكاسى الەكساندر بۋبليك جەكەلەي سىندا رەيتينگتە 179-ورىنداعى ديميتار كۋزمانوۆپەن شەبەرلىك سىناستى.
قازاقستاندىق تەننيسشى قارسىلاسىن 6:4، 7:6 (7:4) ەسەبىمەن تىزە بۇكتىردى. ءبىر ساعات 41 مينۋتقا سوزىلعان كەزدەسۋدە بۋبليك 7 ەيس جاساپ، 4 برەيك-پوينتتى تۇگەل پايدالاندى. كۋزمانوۆ 1 ەيس، 3 برەيكپەن (15 برەيك-پوينت) كوزگە ءتۇستى. وسىلايشا، الەكساندر بۋبليك ەسەپتى 3:1-گە جەتكىزدى.
ەندى قازاقستان قۇراماسى الداعى جىلدىڭ اقپانىندا ديەۆيس كۋبوگىنىڭ فينالدىق كەزەڭىنە شىعۋ ءۇشىن شەشۋشى ماچ وتكىزەدى.