وسى ويىندا ۇتسا عانا قازاقستان قۇراماسى جولداما ءۇشىن تالاستى جالعاستىراتىن ەدى.
لا-سەرەنا قالاسىندا ديەۆيس كۋبوگىنىڭ ىرىكتەۋ ماچىندا قازاقستان چيلي قۇراماسىنان جەڭىلىپ قالدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
قازاقستاندىقتار جۇپتىق سىندا جەڭىلىپ قالعاننان كەيىن كورتقا الەكساندر بۋبليك پەن كريستيان گارين شىقتى.
وسى ويىندا ۇتسا عانا قازاقستان قۇراماسى جولداما ءۇشىن تالاستى جالعاستىراتىن ەدى.
ءبىرىنشى پارتيادا ك.گارين 4:1 ەسەبىمەن العا كەتتى. ا.بۋبليك ەسەپتى قىسقارتقانىمەن، ودان ارىگە شاماسى جەتپەدى – 4:6.
ەكىنشى سەتتە ەسەپ 3:2 بولعان مەزەتتە قازاقستاندىق تەننيسشى برەيك جاساي ءبىلدى. سوسىن مۇمكىندىگىن جىبەرگەن جوق – 6:3.
ءۇشىنشى، شەشۋشى سەتتە چيليلىك سپورتشى برەيكپەن العا كەتتى – 3:1. اقىرى ول باسەكەنى جەڭىسپەن تۇيىندەدى – 6:3.
وسىلايشا، قازاقستان قۇراماسى چيليگە 1:3 ەسەبىمەن جول بەرىپ، ديەۆيس كۋبوگىنىڭ فينالدىق كەزەڭىنە شىعا الماي قالدى.