يسپانيانىڭ بارسەلونا قالاسىنان لاۋازىمدىق وكiلەتتiكتەردى تەرىس پايدالانۋ جانە قىزمەتتىك جالعاندىق جاساۋ فاكتىلەرى بويىنشا كۇدىككە ىلىنگەن قازاقستان ازاماتى ەكستراديسيالاندى، دەپ حابارلادى باس پروكۋراتۋرا.
"ول 2020 جىلى كەدەن ورگاندارىنىڭ قىزمەتكەرى بولا وتىرىپ، اقپاراتتىق دەرەكقورعا جالعان مالىمەتتەر ەنگىزۋ ارقىلى 8 اۆتوكولىكتىڭ يەلەرىن بيۋدجەتكە تولەنۋگە ءتيىس كەدەندىك باجداردان زاڭسىز بوساتقان دەگەن كۇدىككە ءىلىندى. كەلتىرىلگەن زالالدىڭ جالپى سوماسى 45 ميلليون تەڭگەدەن اسادى"، - دەپ جازىلعان حابارلامادا.
كۇدىكتى ءۇش جىلدان استام ۋاقىت بويى قىلمىستىق قۋدالاۋ ورگاندارىنان بوي تاسالاپ، حالىقارالىق ىزدەۋدە بولعان، كەيىن يسپانيا اۋماعىندا ۇستالدى.
قازىرگى ۋاقىتتا كۇدىكتى استانا قالاسىنىڭ تەرگەۋ يزولياتورىنا قامالدى.
پروكۋراتۋرادا بۇل قىلمىس ءۇشىن مۇلكى تاركىلەنىپ، بەلگiلi بiر لاۋازىمداردى اتقارۋ نەمەسە بەلگiلi بiر قىزمەتپەن اينالىسۋ قۇقىعىنان ءومىر بويىنا ايىرا وتىرىپ، جەتى جىلعا دەيىنگى مەرزiمگە باس بوستاندىعىنان ايىرۋ جازاسى كوزدەلگەنىن ەسكە سالدى.