الماتىدا 2021-2025 جىلدارعا ارنالعان تۇرعىن ءۇي قورىن جاڭارتۋ باعدارلاماسى جۇمىس ىستەيدى.
جول كارتاسىن جۇزەگە اسىرۋ اياسىندا الماتى قالاسى بويىنشا 250 ءۇيدىڭ تۇرعىندارىن كوشىرۋ جوسپارلانۋدا، وندا 1800 پاتەر اپاتتى جاعدايدا جانە سانيتارلىق نورمالاردىڭ تالاپتارىنا سايكەس كەلمەيدى، دەپ حابارلايدى Almaty-akshamy.kz.
جالپى، باعدارلاما بويىنشا بيىل 3 ءۇي بۇزىلۋى كەرەك ەدى. بۇگىنگى تاڭدا 20 ءۇي (186 پاتەر) بۇزىلىپ، جاڭا ۇيلەردى سالۋ بويىنشا ازىرلىك جۇمىستارى مەن قۇرىلىس جۇمىستارى باستالدى.
جول كارتاسىن ىسكە اسىرۋدى باقىلاۋ شەڭبەرىندە ساۋرانبايەۆ — مولداعالييەۆ — چەرنىشيەۆسكيي — تولستوي كوشەلەرىنىڭ ىشىندە ورنالاسقان قۇرىلىس وبەكتىسىنە ءماسليحاتتىڭ تۇراقتى كوميسسياسى دەپۋتاتتارى ماكسيم فينوگەنوۆ، ءامىرجان نابييەۆ، اسكات قاباشيەۆتىڭ، ەنەرگيا تيىمدىلىك جانە ينفراقۇرىلىمدىق دامۋ باسقارماسىنىڭ، تۇركسىب اۋدانى اكىمدىگىنىڭ جانە «الماتى» اكك قاتىسۋىمەن 2 رەت شىقتى.
مونيتورينگ بارىسىندا پايدالانۋعا بەرىلگەن ۇيلەر ينجەنەرلىك جەلىلەردىڭ ءبىر بولىگىنە قوسىلماعاندىعى انىقتالدى. «الماتى» اكك اقپاراتىنا سايكەس، بارلىعى 62 پاتەر پايدالانۋعا بەرىلدى، ونىڭ 43ء-ى ەسكى بۇزىلعان ۇيلەردىڭ تۇرعىندارىن كوشىرۋگە ارنالعان.
تامىز ايىندا وتكەن مونيتورينگ بارىسىندا باعدارلاما اكىمشىسى مەن قۇرىلىس سالۋشىعا قالالىق كوممۋنالدىق قىزمەتتەرمەن بىرلەسىپ ينجەنەرلىك جەلىلەردى جۇرگىزۋ كەستەسىن انىقتاۋ ۇسىنىلدى. ءتيىستى قالالىق قىزمەتتەرمەن كەلىسسوزدەردەن كەيىن ۇيگە سۋ جانە كارىز جەلىلەرى تارتىلدى. سونداي-اق گاز جانە جىلۋ جەلىلەرىنە قوسۋ بويىنشا جۇمىستار جۇرگىزىلۋدە.
رەنوۆاسيا جوباسىن ىسكە اسىرۋ بارىسى ءماسليحات دەپۋتاتتارىنىڭ باقىلاۋىندا.