بايقاۋ 25 اقپاندا باستالىپ، 15 ناۋرىزعا دەيىن جالعاسادى.
دەنساۋلىق ساقتاۋ مينيسترلىگى «دەنى ساۋ ۇلت» - ءاربىر ازامات ءۇشىن ساپالى جانە قولجەتىمدى دەنساۋلىق ساقتاۋ» ۇلتتىق جوباسىنىڭ ۇزدىك لوگوتيپىنە بايقاۋ جاريالايدى، دەپ حابارلايدى Almaty-akshamy.kz ق ر دەنساۋلىق ساقتاۋ مينيسترلىگىنىڭ باسپا ءسوز قىزمەتىنە سىلتەمە جاساپ.
ۇلتتىق جوبانىڭ گرافيكالىق سيمۆولى دەنساۋلىق ساقتاۋ، دارى-دارمەكپەن قامتاماسىز ەتۋ، ەپيدەميولوگيالىق سالاۋاتتىلىق جانە سالاۋاتتى ءومىر سالتىن ىلگەرىلەتۋ ماسەلەلەرىنە جۇرتشىلىقتىڭ نازارىن اۋدارۋ جونىندەگى جالپى مەملەكەتتىك مىندەتتى ىسكە اسىرۋعا قىزمەت ەتەدى.
شىعارماشىلىق كونكۋرسقا قاتىسۋعا ديزاين جانە گرافيكالىق ونەر داعدىلارىن مەڭگەرگەن زاڭدى جانە جەكە تۇلعالار شاقىرىلادى. سونىمەن قاتار، كونكۋرستىق جۇمىستار جەكە دە، ۇجىمدىق تا بولۋى مۇمكىن.
بايقاۋ 25 اقپاندا باستالىپ، 15 ناۋرىزعا دەيىن جالعاسادى، ول ەكى كەزەڭنەن تۇرادى: ىرىكتەۋ جانە باعالاۋ. كونكۋرسقا قاتىسۋ وتەۋسىز نەگىزدە جۇزەگە اسىرىلادى جانە جۇمىسقا قوسا بەرىلەتىن وتىنىممەن رەسىمدەلەدى. بايقاۋ جۇمىستارى ەلەكتروندى تۇردە پوشتاعا قابىلدانادى: zdrav_logo@gmail.com
كونكۋرسقا ۇسىنىلعان جۇمىستارعا قويىلاتىن تالاپتار: ءتۇپنۇسقالىلىق، بەينەلەر مەن ويدىڭ بولۋى، قابىلداۋ مەن بەينەلەۋدىڭ جەڭىلدىگى، ەستە ساقتالۋى، تۇستەردىڭ مينيمۋمى، اۋقىمدىلىعى، ۇلتتىق سيمۆوليكا ەلەمەنتتەرىن ىقتيمال پايدالانۋ.
لوگوتيپتەر ەلەكتروندى فورماتتا (JPG، GIF، PNG) 300 dpi رۇقساتىمەن، جۇمىس فايلىن مىندەتتى تۇردە ۇسىنۋمەن، كولدەنەڭ جانە تىك بۇرىشتاردا بەرىلۋ كەرەك.
قۇزىرەتتى قازىلار القاسى بايقاۋ تاقىرىبىنا، سيۋجەتتىڭ بىرەگەيلىگىنە، ورىنداۋ شەبەرلىگىنە جانە كوركەمدىك قۇندىلىعىنا سايكەس باعالايدى. تۋىندىلاردىڭ ءتۇپنۇسقاسى عانا قاراستىرىلادى، وزگەنىڭ لوگوتيپتەرىن نەمەسە ونىڭ ەلەمەنتتەرىن كوشىرۋگە جول بەرىلمەيدى.
جۇمىستار 2022 جىلدىڭ 15 ناۋرىزىنا دەيىن قابىلدانادى. كوميسسيا ىرىكتەگەن ۇزدىك لوگوتيپ «دەنى ساۋ ۇلت» ۇلتتىق جوباسىنىڭ تۇراقتى گرافيكالىق سيمۆولى رەتىندە الەۋمەتتىك جەلىلەردە، باق-تا، بارلىق تاراتىلاتىن اقپاراتتىق-يميدجدىك ونىمدەردە جانە باسقا دا تاسىمالداعىشتاردا ورنالاستىرۋ ءۇشىن پايدالانىلاتىن بولادى.
«دەنى ساۋ ۇلت» ۇلتتىق جوباسى 2025 جىلعا دەيىن ءتورت باعىتتى ىسكە اسىرۋدى كوزدەيدى:
ءبىرىنشى - مەديسينالىق كومەكتىڭ قولجەتىمدىلىگى مەن ساپاسىن ارتتىرۋ؛
ەكىنشى - ەپيدەميولوگيالىق بولجاۋدىڭ جانە بيولوگيالىق قاتەرلەرگە دەن قويۋدىڭ قازىرگى زامانعى جۇيەسىن قالىپتاستىرۋ؛
ءۇشىنشى - حالىقتى وتاندىق دارىلىك زاتتارمەن جانە مەديسينالىق بۇيىمدارمەن قامتاماسىز ەتۋ؛
ءتورتىنشى - حالىق اراسىندا سالاۋاتتى ءومىر سالتى مەن بۇقارالىق سپورتتى ناسيحاتتاۋ.