قازاقستان كوروناۆيرۋستىڭ تارالۋ قارقىنى بويىنشا "سارى" ايماقتا تۇر
پارلامەنت ماجىلىسىندەگى ۇكىمەت ساعاتىندا دەنساۋلىق ساقتاۋ ءمينيسترى الەكسەي سوي قازاقستاندا كوروناۆيرۋس جۇقتىرۋ قارقىنى بويىنشا ءتورتىنشى تولقىننىڭ وتكەنىن ايتتى، دەپ حابارلايدى Almaty-akshamy.kz قازاقپارات سايتىنا سىلتەمە جاساپ.
«قازاقستان ىندەت جۇقتىرۋدىڭ ءتورت تولقىنىنان ءوتتى. بۇل ءوز كەزەگىندە كوروناۆيرۋس ينفەكسياسىنىڭ جاڭا شتامدارىنىڭ پايدا بولۋىنا قاتىستى»، - دەدى ا. سوي. ونىڭ ايتۋىنشا، سوڭعى رەت ىندەت جۇقتىرۋ دەڭگەيى ارتقاندا كەزەڭدە تاۋلىگىنە 7 800 جاعداي تىركەلگەن. «كۆي بويىنشا پروفيلاكتيكالىق جانە ەپيدەمياعا قارسى جۇمىستاردى ۋاقىتىلى جۇرگىزۋگە بايلانىستى ىندەتتىڭ تارالۋى قارقىنىن تەجەۋگە ءارى ەلدەگى ەپيدەميولوگيالىق احۋالدى تۇراقتاندىرۋعا ىقپال ەتتى»، - دەدى مينيستر.
الەكسەي سوي قازىرگى كەزدە قازاقستان كوروناۆيرۋستان «سارى» ايماقتا تۇرعانىن ايتتى.