دەمالىس كۇندەرى كوشەلەر جابىلادى

26 قىركۇيەك كۇنى ونىنشى مەرەيتويلىق «الماتى مارافونى» وتەدى.

الماتى مارافونىنىڭ ۇيىمداستىرۋ كوميتەتى وڭتۇستىك استانا تۇرعىندارى مەن قوناقتارىنا جارىس وتەتىن كۇنى جولداردىڭ ءىشىنارا جابىلاتىنى تۋرالى مالىمدەدى، دەپ حابارلايدى Almaty-akshamy.kz.

مارافون قاشىقتىقتارىنىڭ ءوتۋ جەرلەرىندە 25 قىركۇيەك كۇنى ساعات 6:00-دەن 26 قىركۇيەك كۇنى 18:00-گە دەيىن جولدارداعى قوزعانلىس ءىشىنارا جابىلادى. سپورتسمەندەردىڭ قاشىقتىقتان وتۋلەرىنە ساي جولدار اشىلادى.
سورە ورنى رەسۋپبليكا الاڭىندا بولعاندىقتان، ساتپايەۆ كوشەسى بويىمەن 25 قىركۇيەك كۇنى ساعات 9:00-دان 26 قىركۇيەك كۇنى 18:00-گە دەيىن جەلتوقسان كوشەسىنەن نارازبايەۆ داڭعىلىنا دەيىنگى جول قوزعالىسى تولىقتاي جابىلادى.

26 قىركۇيەك:

نازاربايەۆ داڭعىلى بويىندا ساتپايەۆ كوشەسىنەن ءال-فارابي داڭعىلىنا دەيىن قوزعالىس 04:30-دان 12:00-گە دەيىن تولىقتاي جابىلادى.
ءال-فارابي داڭعىلى بويىندا نازاربايەۆ داڭعىلىنان دوستىق داڭعىلىنا دەيىن قوزعالىس 04:30-دان 09:30-عا دەيىن تولىقتاي جابىلادى.
ءال-فارابي داڭعىلى بويىندا نازاربايەۆ داڭعىلىنان شاشكين كوشىسىنە دەيىن قوزعالىس 04:30-دان 12:00-گە دەيىن جارتىلاي جابىلادى، داڭعىلدىڭ وڭتۇستىك جاعى كولىك قوزعالىسىنا اشىق بولادى.
ءال-فارابي داڭعىلى بويىندا شاشكين كوشەسىنەن ساين كوشەسىنە دەيىن قوزعالىس 04:30-دان 13:30-عا دەيىن جارتىلاي جابىق بولادى، داڭعىلدىڭ وڭتۇستىك جاعى كولىك قوزعالىسىنا اشىق بولادى.
ساين كوشەسى بويىندا ءال-فارابي داڭعىلىنان اباي داڭعىلىنا دەيىن قوزعالىس 04:30-دان 13:30-عا دەيىن جارتىلاي اشىق بولادى، كوشەنىڭ باتىس جاعى كولىك قوزعالىسىنا اشىق بولادى.
اباي داڭعىلى  بويىندا ساين كوشەسىنەن بايتۇرسىن ۇلى كوشەسىنە دەيىن قوزعالىس 04:30-دان 14:00-گە دەيىن جارتىلاي جابىق بولادى، كوشەنىڭ سولتۇستىك جاعى كولىك قوزعالىسىنا اشىق بولادى.
بايتۇرسىن ۇلى كوشەسى بويىندا اباي داڭعىلىنان ساتپايەۆ كوشەسىنە دەيىن قوزعالىس 04:30-دان 14:00-گە دەيىن تولىقتاي جابىق بولادى.
ساتپايەۆ كوشەسى بويىندا بايزاقوۆ كوشەسىنەن بايتۇرسىن ۇلى كوشەسىنە دەيىن قوزعالىس 04:30-دان 10:35-كە دەيىن تولىقتاي جابىق بولادى.
ساتپايەۆ كوشەسى بويىندا بايتۇرسىن ۇلى كوشەسىنەن جەلتوقسان كوشەسىنە دەيىن قوزعالىس 04:30-دان 14:00-گە دەيىن تولىقتاي جابىق بولادى.
بايزاقوۆ كوشەسى بويىندا تيميريازيەۆ كوشەسىنەن ساتپايەۆ كوشەسىنە دەيىن قوزعالىس 04:30-دان 10:35-كە دەيىن تولىقتاي جابىق بولادى.
تيميريازيەۆ كوشەسى بويىندا شاشكين كوشەسىنەن بايزاقوۆ كوشەسىنە دەيىن قوزعالىس 04:30-دان 10:35-كە دەيىن تولىقتاي جابىق بولادى.
شاشكين كوشەسى بويىندا ءال-فارابي داڭعىلىنان تيميريازيەۆ كوشەسىنە دەيىن قوزعالىس 04:30-دان 10:35-كە دەيىن تولىقتاي جابىق بولادى.
دەرەكتەر جۇگىرۋگە قاتىسۋشىلاردىڭ قوزعالىس ۋاقىتىنىڭ ۇتىمدى ءبولىنۋىن ەسكەرە وتىرىپ ەنگىزىلدى.
رەسپۋبليكا الاڭىنا كولىكپەن جەتۋ ءۇشىن ۇسىنىلاتىن مارشرۋت:
جەلتوقسان كوشەسى بويىمەن وڭتۇستىككە ساتپايەۆ كوشەسىنە دەيىن
ساتپايەۆ كوشەسى بويىمەن باتىسقا نازاربايەۆ داڭعىلىنا دەيىن
نازاربايەۆ داڭعىلى بويىمەن وڭتۇستىككە ساتپايەۆ كوشەسىنە دەيىن
ءال-فارابي داڭعىلىنىڭ وڭتۇستىك جاعىنان نۇرلى-تاۋعا دەيىن جانە الاڭعا جاياۋ بارۋ
اباي داڭعىلى بويىمەن باتىسقا جەلتوقسان كوشەسىنە دەيىن
شيەۆچەنكو جانە قۇرمانعازى كوشەلەرى بويىمەن جەلتوقسان كوشەسىنە دەيىن
«اباي» ستانسياسىنا دەيىن مەترو ارقىلى.
ەستەرىڭىزگە سالىپ كەتەيىك، 26 قىركۇيەك كۇنى ونىنشى مەرەيتويلىق «الماتى مارافونى» وتەدى. سپورت اۋەسقويلارىنا كەلەسى قاشىقتىقتار بەرىلگەن: 10 كم، 21،1 كم، 42،2 كم، ەكيدەن كوماندالىق ەستافەتاسى، 10 كم سكانديناۆيالىق ءجۇرىس. قاتىسۋشىلاردىڭ جاس مولشەرى: 10 كم جانە 10 كم سكانديناۆيالىق ءجۇرىس – 15 جاستان، 21،1 كم جانە 42،2 كم قاشىقتىقتارىنا – 18 جاستان، ەكيدەن كوماندالىق ەستافەتاسىنا – 16 جاستان باستالادى.
سورە ۋاقىتى:
07:30 – 42،2 كم جانە ەكيدەن
07:40 – 21،1 كم
07:55 – 10 كم
08:10 – 10 كم سكانديناۆيالىق ءجۇرىس.