سينوپتيكتەر 13-15 مامىردا قازاقستاندا اۋا رايى قانداي بولاتىنىن ايتتى.
“قازگيدرومەت” ماماندارى رەسپۋبليكانىڭ باسىم بولىگىندە تۇراقسىز اۋا رايى ساقتالادى دەپ بولجاپ وتىر، دەپ حابارلايدى Almaty-akshamy.kz
«نايزاعاي ويناپ، جاڭبىر جاۋادى، بۇرشاق كۇتىلەدى. 15 مامىردا تۇندە رەسپۋبليكانىڭ شىعىسىندا جاۋىن-شاشىن (جاڭبىر، قار) جاۋادى دەگەن بولجام بار. 13 مامىردا سولتۇستىكتە، 14 مامىردا وڭتۇستىك وبلىستاردا قاتتى جاڭبىر جاۋادى»، - دەلىنگەن سينوپتيكتەردىڭ حابارلاماسىندا.
رەسپۋبليكا بويىنشا جەلدىڭ كۇشەيۋى جانە وڭتۇستىك وبلىستاردا شاڭدى داۋىل كۇتىلەدى.
جالپى، قازاقستان بويىنشا اۋا تەمپەراتۋراسىنىڭ اۋىتقۋى بولجانادى. تەك 14-15 مامىردا تۇندە ەلىمىزدىڭ سولتۇستىك جارتىسىندا -1-3 گرادۋس اياز كۇتىلەدى.