«دەلتا» شتامىنان قانداي ۆاكسينا قورعايدى؟

بۇل سۇراققا رەسەي عىلىم اكادەمياسىنىڭ كوررەسپوندەنت-مۇشەسى سەرگەي نەتەسوۆ جاۋاپ بەردى.

بيولوگيا عىلىمدارىنىڭ دوكتورى، نوۆوسيبيرسك مەملەكەتتىك ۋنيۆەرسيتەتىنىڭ (نمۋ) بيونوتەحنولوگيالار، ميكروبيولوگيا جانە ۆيرۋسولوگيا زەرتحاناسىنىڭ مەڭگەرۋشىسى، رەسەي عىلىم اكادەمياسىنىڭ كوررەسپوندەنت-مۇشەسى سەرگەي نەتەسوۆ كوروناۆيرۋستىڭ «دەلتا» شتامىنا قارسى قانداي ۆاكسينالار ءتيىمدى ەكەنىن ءتۇسىندىردى، دەپ حابارلايدى Almaty-akshamy.kz

Lenta.ru جاريالاعان ساراپشىنىڭ پىكىرىنشە، نەگىزگى كومپونەنتتەرى ۆيرۋستار، ماتريسالىق ريبونۋكلەين قىشقىلى جانە اقۋىزدار بولىپ تابىلاتىن مرنق جانە ۆەكتورلىق ۆاكسينالار ينفەكسيانىڭ ۇندىلىك نۇسقاسىنان قورعايدى. رەسەيلىك «سپۋتنيك ۆ» ەكپەسى دە ءتيىمدى ۆاكسينالاردىڭ قاتارىنا كىرەدى.

سونىمەن بىرگە نەتەسوۆ ۋحان شتامىنا قاراعاندا قورعانىس دەڭگەيى از ەكەنىن ءتۇسىندىردى. «ولار باستاپقى نۇسقادان 95 پايىزعا قورعادى، ال ءقازىر ولار «دەلتا » نۇسقاسىنان 90 پايىزعا قورعايدى»، - دەپ ءتۇسىندىردى ول.

بۇدان بۇرىن عالىمدار كوروناۆيرۋستىڭ «دەلتا» نۇسقاسىنان قورعانىس قۇرعان. ەكسپەريمەنتتەر بارىسىندا تايلاندتان كەلگەن ماماندار سينوۆاك ۆاكسيناسىنىڭ ەكى دوزاسى مەن AstraZeneca دوزاسىنىڭ ارالاسقان ءتۇرى ادامدا جاڭا شتامعا قارسى تۇرۋ ءۇشىن جەتكىلىكتى يممۋنيتەت تۋعىزا الاتىندىعىن انىقتادى.