ماڭىزدى ۇندەۋ.
دۇنيەجۇزىلىك دەنساۋلىق ساقتاۋ ۇيىمى الەمنىڭ ەڭ بەدەلدى 20 كوشباسشىسىن قازانعا دەيىن پاندەميا تولقىنىن توقتاتۋ ءۇشىن كوروناۆيرۋس ينفەكسياسىنا قارسى ۆاكسيناعا قولجەتىمدىلىكتە تەڭسىزدىكتى جويۋعا شاقىردى، دەپ حابارلايدى Almaty.tv سايتىنا سىلتەمە جاساپ.
Act Accelerator COVID-19-بەن كۇرەسۋ قۇرالدارىنا قولجەتىمدىلىكتى جەدەلدەتۋ باستاماسىنىڭ جەتەكشىسى بريۋس ەيلۆارد كوروناۆيرۋس ينفەكسياسىنا قارسى ۆاكسينالارعا قولجەتىمدىلىكتىڭ تەڭسىزدىگىن «ۇيات» دەپ اتادى جانە ساياسي كوشباسشىلار مەن بيزنەس-ماگناتتاردى كەدەي ەلدەردى ۆاكسينامەن قامتۋعا شاقىردى.
دالىرەك ايتساق، ول الەمنىڭ ەڭ ىقپالدى 20 كوشباسشىسىن قىركۇيەك ايىنىڭ سوڭىنا دەيىن تەڭسىزدىك ماسەلەسىن شەشىپ، الەمنىڭ ءار ەلىندەگى حالىقتىڭ 10 پايىزىن ۆاكسيناسيالاۋعا شاقىردى.
AFP باعالاۋى بويىنشا، بۇكىل الەمدە شامامەن 4،5 ميلليارد ۆاكسينا دوزاسى قولدانىلعان. حالىقارالىق بانكتىڭ مالىمەتتەرىنە سايكەس، كىرىسى جوعارى ەلدەردە 100 ادامعا شاققانداعى دوزا سانى 104ء-تى قۇرايدى، ال كىرىسى تومەن 29 ەلدە 100 ادامعا ەكى دوزادان كەلەدى.