ددسۇ تىركەگەن ۆاكسينالار ساتىپ الىنادى
دۇنيەجۇزىلىك دەنساۋلىق ساقتاۋ ۇيىمى تىركەگەن ۆاكسينالاردى ساتىپ الۋ جەدەلدەتىلەدى. بۇل تۋرالى ۇكىمەت وتىرىسىندا ق ر ۇلتتىق ەكونوميكا ءمينيسترى اسەت ەرعالييەۆ ءمالىم ەتتى، دەپ حابارلايدى Almaty-akshamy.kz Coronavirus2020.kz-كە cىلتەمە جاساپ.
ۇلتتىق ەكونوميكا ءمينيستردىڭ دەرەگىنشە، پرەزيدەنت جولداۋىن ىسكە اسىرۋ جالپىۇلتتىق جوسپارىنىڭ ەكىنشى باعىتىندا سەگىز ءىس-شارانى ىسكە اسىرۋ كوزدەلگەن.
دالىرەك ايتساق، دۇنيەجۇزىلىك دەنساۋلىق ساقتاۋ ۇيىمى تىركەگەن ۆاكسينالاردى ساتىپ الۋ جەدەلدەتىلەدى. مەديسينالىق بۇيىمدارعا زەرتحانالىق جانە تەحنيكالىق سىناقتار جۇرگىزۋ ورتالىعىن قۇرۋ كوزدەلەدى.
«دەنى ساۋ ۇلت» ۇلتتىق جوباسى اياسىندا كەمىندە 12 سانيتارلىق-ەپيدەميولوگيالىق ساراپتاما زەرتحاناسى جوعارى تەحنولوگيالىق جابدىقپەن قامتاماسىز ەتىلەدى. وتاندىق تاۋار وندىرۋشىلەرمەن وففتەيك-كەلىسىمشارتتاردىڭ كولەمى مەن نومەنكلاتۋراسى كەڭەيتىلەتىن بولادى»، - دەدى اسەت ەرعالييەۆ.