بۇل - ددسۇ سەرتيفيكاتتاعان Sinopharm جانە Sinopec-تەن كەيىنگى ءۇشىنشى قىتايلىق ۆاكسينا.
دۇنيەجۇزىلىك دەنساۋلىق ساقتاۋ ۇيىمى (ددۇ) 19 مامىر كۇنى قىتايدىڭ CanSino Biologics بيوفارماسيەۆتيكالىق كومپانياسى ازىرلەگەن COVID-19-عا قارسى CONVIDECIA ۆاكسيناسىن ماقۇلدادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ۆاكسينا اۋرۋدىڭ بەلگىلەرىنە قارسى 64% جانە اۋىر COVID-19-عا قارسى 92% ءتيىمدى ەكەنى انىقتالدى. CONVIDECIA سونىمەن قاتار ددۇ-نىڭ يممۋنداۋ بويىنشا ساراپشىلاردىڭ ستراتەگيالىق كونسۋلتاتيۆتىك توبىندا (SAGE) قارالدى، ول ونى 18 جاستان اسقان بارلىق جاس توپتارىندا ءبىر رەتتىك 0،5 ميلليليتر دوزا رەتىندە پايدالانۋدى ۇسىنادى. ۆاكسينانى قولدانۋ بويىنشا ەگجەي-تەگجەيلى ۇسىنىستار جاقىن ارادا جاريالانۋى ءتيىس.