ءساۋىر ايىندا دۇنيەجۇزىلىك دەنساۋلىق ساقتاۋ ۇيىمىنىڭ ارنايى ميسسياسى قازاقستانعا كەلەدى.
ولار «QazVac»-تى تىركەۋگە بايلانىستى تەكسەرۋلەر جۇرگىزبەك. بۇل جايىندا ق ر دەنساۋلىق ساقتاۋ ءمينيسترى اجار عينيات ۆەدومستۆونىڭ قورىتىندى القا ماجىلىسىنەن كەيىن ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«قازاقستاندىق ۆاكسينانى دۇنيەجۇزىلىك دەنساۋلىق ۇيىمىندا تىركەۋ جۇمىستارى ءقازىر جالعاسىپ جاتىر. بىلتىر وسى ددۇ وكىلدەرى، ماماندارى مەن ساراپشىلارى ونلاين رەجيمدە ءارتۇرلى قۇجاتتارىمىزدى سۇراپ، تەكسەرگەن بولاتىن. ەندى بيىلدىڭ وزىندە سول ۇيىمنان ارنايى ميسسيا كەلىپ، ءبىزدىڭ ۆاكسينانىڭ قالاي شىعارىلىپ جاتقانىن، زاۋىتىمىزدىڭ حالىقارالىق ستاندارتتارعا سايكەستىگىن، دۇنيەجۇزىنىڭ حالقىنا قولدانۋعا جارامدىلىعىن تەكسەرەدى»، - دەدى ول.
ءمينيستردىڭ سوزىنشە، بۇل جۇمىستار بىرنەشە ساتىدا وتەدى.