ناۋرىزباي اۋدانىنداعى №200 مەكتەپتە ورنالاسقان №504 سايلاۋ ۋچاسكەسىندە داۋىس بەرگەن جازۋشى، قازاقستان جازۋشىلار وداعىنىڭ جانە جۋرناليستەر وداعىنىڭ مۇشەسى نۇرداۋلەت اقىش داۋىس بەرۋ پروسەسىنىڭ جوعارى ۇيىمداستىرىلعانىن اتاپ ءوتتى.
– بارلىعى وتە ساۋاتتى ۇيىمداستىرىلعان. سايلاۋ ۋچاسكەسىنىڭ مۇشەلەرى حالىقتى ەمەن-جارقىن قارسى الىپ، ولاردىڭ اتى-جوندەرىن تىزىمدەردەن جىلدام تاۋىپ الىپ جاتىر. حالىقتىڭ بەلسەندىلىگى جوعارى. نەگە دەسەڭىز، مەن ۋچاسكەگە ەرتە كەلدىم دەگەننىڭ وزىندە، سايلاۋشىلار وتە كوپ بولدى. بايقايمىن، داۋىس بەرۋشىلەردىڭ سانى ارتىپ كەلەدى. جاس وتباسىلار، ورتا جاستاعى ادامدار، زەينەتكەرلەر سايلاۋ ۋچاسكەسىنە تولاسسىز كەلىپ جاتىر. بۇل دەگەن تاماشا عوي! - دەيدى جازۋشى.