Exit poll-عا قاتىسقان ۇيىمداردىڭ سۇحباتشىلارى ءقازىر ق ر كونستيتۋسياسىنا وزگەرىستەر مەن تولىقتىرۋلار ەنگىزۋ جونىندەگى رەفەرەندۋمعا سايلاۋشىلاردىڭ قاتىسۋى مەن داۋىس بەرۋ بارىسى تۋرالى ساۋالناما جۇرگىزىپ جاتىر.
Exit poll بۇگىن قازاقستاننىڭ بارلىق ايماقتارىندا بەلسەندى جۇمىس ىستەۋدە. بۇل – سايلاۋ ناتيجەلەرىن رەسمي تۇردە ساناۋ الدىندا جىلدام الدىن الا انىقتاۋ ءادىسى.
الماتىداعى «استانا» كەشەندى الەۋمەتتىك زەرتتەۋلەر ينستيتۋتىنىڭ ينتەرۆيۋەرى يلياس كۋبريانوۆ مۇنداي فورماتتا ءبىرىنشى رەت جۇمىس ىستەپ تۇرعان جوق ەكەنىن اتاپ ءوتتى. ونىڭ ايتۋىنشا، داۋىس بەرۋ پروسەسى – ول ءۇشىن قىزىق تاجىريبە.
جاس جىگىتتىڭ ءوزى دە ءبىر كەزدەرى سايلاۋ كوميسسياسىنىڭ مۇشەسى، قوعامدىق بىرلەستىكتەردەن بايقاۋشى بولعان. يلياس كۋبريانوۆ №75 مەكتەپ جانىنداعى №140 سايلاۋ ۋچاسكەسىنە داۋىس بەرىپ، ساۋالناما جۇرگىزۋدى ءجون كورگەنىن اتادى. ونىڭ مالىمەتىنشە، الماتىلىقتار تاڭەرتەڭنەن بەرى بەلسەندى تۇردە داۋىس بەرۋگە قاتىسقان.
«مەن بارعان سايلاۋ ۋچاسكەسىندە بەلسەندىلىك وتە جوعارى بولدى، ونىڭ دالەلى ءبىز مۇندا سايلاۋ ۋچاسكەسى اشىلعانعا دەيىن كەلدىك. سول كەزدىڭ وزىندە داۋىس بەرۋگە كەلگەندەر كوپ بولدى. ەگدە جاستاعىلار دا، جاستار دا بەلسەندى بولدى. بارلىعى مەرەكەلىك كوڭىل-كۇيدە، كوزدەرىندە بولاشاققا دەگەن سەنىم كورىنىپ تۇردى. سايلاۋعا كەلگەندەردەن وزگەرتۋلەردى قولدايتىنىن، نە قولدامايتىنىن سۇرادىق. كەلگەندەردىڭ كوپشىلىگى وزگەرىستەرگە «ءيا» دەپ داۋىس بەرگەن، «قارسىمىن» دەپ جاۋاپ بەرگەندەر از. اراسىندا جاۋاپ بەرۋدەن باس تارتقاندار دا بولدى، بۇل – ولاردىڭ قۇقىعى»، – دەدى ي.كۋبريانوۆ.
رەفەرەندۋمدا داۋىس بەرگەن حالىقتىڭ وڭ كوزقاراسى مەن بەلسەندىلىگى نۇر-سۇلتان قالاسىندا دا بايقالادى. «قوعامدىق پىكىر» زەرتتەۋ ينستيتۋتىنىڭ exit poll وكىلى ادىلبەك اسان «استانا وپەرا» مەملەكەتتىك وپەرا جانە بالەت تەاترىنىڭ №115 سايلاۋ ۋچاسكەسىندە داۋىس بەرگەن. ول اتالعان ايماقتا اعا بۋىن وكىلدەرى دە، جاستار دا بىردەي بەلسەندى داۋىس بەرگەنىن مالىمدەدى.
«ادامداردىڭ كوڭىل-كۇيى ءپوزيتيۆتى. مەن ۋچاستكەدە تاڭعى 7:00-دەن باستاپ، 19:00-گە دەيىن بولامىن. وسى ارالىقتا كەلگەن ادامدار وتە كوپ بولدى. 115ء-شى سايلاۋ ۋچاسكەسىندە كوپ ادام تىركەلگەن. جاستار دا، اعا بۋىن دا داۋىس بەردى. سايلاۋ ۋچاسكەسىنەن شىعا بەرىستە ازاماتتاردىڭ قالاي داۋىس بەرگەنىن سۇرادىق. ساۋالناماعا قاتىسۋ ەرىكتى بولدى. ءوز ۇستانىمدارىن ايتۋدان باس تارتقاندار دا كەزدەستى. الايدا ۋچاستكەدە ەشكىم ەشتەڭەگە شاعىمدانعان جوق. بارلىعىنىڭ كوڭىل-كۇيى كوتەرىڭكى بولدى»، – دەدى ءا.اسان.