الماتى قالاسىنىڭ ورتالىق كومۋنيكاسيالار قىزمەتىندە ساعات: 16:30-17:15 اراسىندا «رەفەرەندۋمدا الماتى تۇرعىندارىنىڭ داۋىس بەرۋ بارىسىن باقىلاۋ تۋرالى» وفلاين-بريفينگ ءوتتى.
جيىنعا الماتى قالاسى بويىنشا باقىلاۋشىلار كاپيتانى، «قوعامدىق جوبا» قب ديرەكتورى الەكساندر براتەنكوۆ جانە قازاقستان فرانچايزينگ قاۋىمداستىعىنىڭ پرەزيدەنتى، قوعام قايراتكەرى بەكنۇر قيسىقوۆ قاتىستى.
بريفيگتە ەكى ەرلى-زايىپتى جانداردىڭ بىردەي داۋىس بەرۋ ورنىنان قالايشا تابىلىپ قالعاندىعىن ءتۇسىندىردى.
– ءبىز بۇل ارادا ءبىر نارسەنى ءتۇسىنۋىمىز كەرەك. ياعني داۋىس بەرۋ بارىسىندا ەكى بىردەي ادامنىڭ سايلاۋ ۋچاسكەسىنىڭ جاسىرىن بولمەسىنەن تابىلۋىنىڭ ءوز ءمانى بار. دالىرەك ايتقاندا، ولاردىڭ بىرەۋى زاعيپ جان ەكەن. سوندىقتان كومەكتەسۋگە بولادى دەپ بىلەمىز. بۇل جەردە ورەسكەل قاتەلىك جوق دەپ بىلەمىز، – ا.براتەنكوۆ.
سونىمەن قاتار باقىلاۋشىلاردىڭ كاسىبيلىگىنە توقتالىپ، رەفەرەندۋمداعى ولاردىڭ ىس-ارەكەتى تۋرالى ايتتى.
– باقىلاۋشىلارعا قويىلاتىن تالاپ كۇشتىرەك بولۋى كەرەك. ەگەر ولار كاسىبي-بىلىكتىلىك جاعىنان مىقتى بولسا، ءوز ءىسىنىڭ شەبەرى بولسا، وتكىزىلىپ وتىرعان رەفەرەندۋمنىڭ ءمانىن تەرەڭىرەك ۇعىنسا، باسقالاردا بۇل شارانىڭ ءمانىن ۇعىنا تۇسەدى دەپ ويلايمىز، – ب.قيسىقوۆ.
شارا بارىسىندا وسى رەفەرەندۋم ارقىلى ەلىمىزدە يگى باستامالار جۇزەگە اسىپ، ەكونوميكالىق-الەۋمەتتىك جاعداي دامۋ ساباقتاستىعىن تابادى دەگەن ويلار ايتىلدى.