جاننا اسانوۆا 105 سايلاۋ ۋچاسكەسىنىڭ جۇمىس كەستەسى جايلى تۇسىنىك بەردى.
الماتى قالاسى اۋماقتىق سايلاۋ كوميسسياسىنىڭ ءتورايىمى جاننا اسانوۆا سايلاۋ كۇنىنىڭ ءبىرىنشى جارتىسىندا ورىن العان جاعدايلارعا قاتىستى ءبىرقاتار سۇراقتارعا جاۋاپ بەردى، دەپ حابارلايدى Almaty-akshamy.kz.
105ء-شى سايلاۋ ۋچاسكەسىندە داۋىس بەرۋ تاڭعى ساعات 7.00-دە باستالدى. سايلاۋ ۋچاسكەسىندە ساعات 6.00-دە ءانۇران شىرقالدى. داۋىس بەرۋ ساعات 6.00 مەن 7.00 ارالىعىندا جۇرگىزىلگەن جوق.
«بارلىق سايلاۋ ۋچاسكەلەرىندە، سونىڭ ىشىندە حالىقارالىق سايلاۋ ۋچاسكەلەرىندە دە بايقاۋشىلار بار. بۇل ۋچاسكەدە داۋىس بەرۋ تاڭعى ساعات 6-دا باستالسا، بۇل تۋرالى مىندەتتى تۇردە بىلەتىن ەدىك»، - دەدى ج.اسانوۆا بريفينگتە.
اسك №137 سايلاۋ ۋچاسكەسى مۇمكىندىگى شەكتەۋلى ازاماتتاردىڭ داۋىس بەرۋىنە ارنالعان كومپيۋتەرمەن جابدىقتالعانىن حابارلادى.
باسپا ءسوز ءماسليحاتىندا جۋرناليستەر مودەراتورعا ءوز سۇراقتارىن قويدى. ولاردى سايلاۋ ۋچاسكەلەرى تولىعىمەن جابىلعانشا جۋرناليستەر سايلاۋ ۋچاسكەسىندە جۇرۋگە بولا ما، سۋرەتكە ءتۇسىرىپ، ۋچاسكەلەر جابىلعانشا رەپورتاج جاساي الا ما دەگەن سۇراقتار قىزىقتىردى.
«جۋرناليستەر دە، باقىلاۋشىلار دا جانە سەنىم بىلدىرىلگەن ازاماتتار دا بۇل قۇقىققا يە. شەكتەۋ تەك شەتەلدىك باقىلاۋشىلارعا قويىلعان، ولار فوتو-ۆيدەوعا تۇسىرە المايدى. ءبىراق تىكەلەي ەفير جانە ستريمدەر جۇرگىزۋگە كەڭەس بەرىلمەيدى، داۋىس بەرۋدىڭ قۇپيا تۇردە وتەتىنىن ۇمىتپاعان ءجون. اركىمنىڭ قۇپيانى ساقتاۋ قۇقىعى بار. سونىمەن بىرگە، ادامنىڭ ءوزىنىڭ سۋرەتىنىڭ باق-دا قولدانىلۋىنا قاتىستى قۇقىعى بار»، - دەپ ءتۇسىندىردى ج.اسانوۆا.
الماتىنىڭ اسك ءتورايىمى 121، 128 جانە 225 سايلاۋ ۋچاسكەلەرىندە AMANAT پارتياسىنىڭ اتىنان ەكى باقىلاۋشىدان بولعان دەپ كەلىپ تۇسكەن فاكت بويىنشا ءتۇسىندىرىپ ءوتتى.
اسانوۆاعا جولدانعان سۇراقتار اراسىندا "سايلاۋ ۋچاسكەسى جەكە كىرۋ ەسىگىمەن قامتىلۋ كەرەك پە؟" دەگەن ساۋال قويىلدى. ونىڭ ايتۋىنشا، ونداي تالاپ جوق.
«بىزدە 3، ءتىپتى 4 سايلاۋ ۋچاسكەسى بار مەكتەپتەر بار، وعان تۇسىنىستىكپەن قاراۋ كەرەك»، - دەدى اسانوۆا.
الماتىلىقتاردى تولعاندىرعان سۇراقتاردىڭ ءبىرى "داۋىس بەرۋ كابيناسىنا ەكى ادام كىرۋگە بولا ما؟" دەگەن ساۋال بولدى.
«سايلاۋ تۋرالى» زاڭنىڭ 41-بابىنا سايكەس، ءاربىر سايلاۋشى جەكە داۋىس بەرەدى جانە باسقا ادامنىڭ بولۋىنا تىيىم سالىنادى»، - دەپ قورىتىندىلادى ج.اسانوۆا.