سينوپتيكتەر اۋا رايىنا بايلانىستى 7 قىركۇيەكتە ەلىمىزدىڭ ءبىرقاتار وڭىرىندە داۋىلدى ەسكەرتۋ جاريالادى، دەپ حابارلايدى aqshamnews.kz.
«قازگيدرومەت» سينوپتيكتەرىنىڭ بولجامى بويىنشا، ۇلىتاۋ وبلىسىنىڭ سولتۇستىك-باتىسىندا، اباي وبلىسىنىڭ باتىسىندا، سولتۇستىگىندە، شىعىسىندا وڭتۇستىك-باتىستان، باتىستان سوققان جەلدىڭ ەكپىنى 15-20 م/س جەتەدى.
تۇندە شىعىس قازاقستان وبلىسىنىڭ سولتۇستىگىندە، شىعىسىندا، وڭتۇستىگىندە جاۋىن-شاشىن (جاڭبىر، قار) بولادى. تۇندە وبلىستىڭ سولتۇستىگىندە، شىعىسىندا تۇمان تۇسەدى. كۇندىز وبلىستىڭ باتىسىندا، سولتۇستىگىندە، وڭتۇستىگىندە وڭتۇستىك-باتىستان سوققان جەلدىڭ ەكپىنى 15-20 م/س بولادى. تۇندە وبلىستىڭ شىعىسىندا 2 گرادۋسقا دەيىن سۋىتىپ، ۇسىك جۇرەدى.
الماتى وبلىسىنىڭ وڭتۇستىگىندە اراكىدىك جاڭبىر جاۋادى، الماتى قالاسىنىڭ جانە وبلىستىڭ تاۋلى اۋداندارىندا جاۋىن-شاشىن (جاڭبىر، قار) بولادى. وبلىستىڭ باتىسىندا، وڭتۇستىگىندە، تاۋلى اۋداندارىندا نايزاعاي ويناپ، سولتۇستىك-باتىستان سوققان جەلدىڭ ەكپىنى 18-23 م/س جەتەدى.
تۇندە جامبىل وبلىسىنىڭ تاۋلى اۋداندارىندا جاڭبىر جاۋىپ، ارتى بۇرشاق ۇلاسادى دەپ كۇتىلۋدە. وبلىستىڭ كەي جەرلەرىندە سولتۇستىك-باتىستان سوققان جەلدىڭ ەكپىنى 23 م/س دەيىن جەتەدى.
قاراعاندى وبلىسىندا باتىسىندا، سولتۇستىگىندە، شىعىسىندا جاۋىن-شاشىن بۇرشاققا ۇلاسادى. وبلىستىڭ كەي جەرلەرىندە جەل ەكپىنى 15-20 م/س جەتەدى. تۇندە وبلىستىڭ سولتۇستىگىندە، شىعىسىندا توپىراق بەتى قاتىپ، ۇسىك جۇرەدى، سىناپ باعانى 2 گرادۋس سۋىقتى كورسەتەدى.
تۇندە جەتىسۋ وبلىسىنىڭ تاۋلى اۋداندارىندا جاۋىن-شاشىن سوڭى قارعا ۇلاسۋى مۇمكىن دەپ بولجانىپ وتىر. كۇندىز كەي تۇستا جەل ەكپىنى 23-28 م/س دەيىن جەتەدى.
تۇركىستان، اتىراۋ، باتىس قازاقستان، قىزىلوردا وبلىستارىندا توتەنشە ءورت ءقاۋىپى ساقتالادى.