ماجىلىستەگى ۇكىمەت ساعاتىندا ەلدەگى تۋريزم سالاسىن دامىتۋ جايى قوزعالدى
تۇركىستان قالاسىندا بەيىندى حالىقارالىق تۋريزم جانە مەيماندوستىق ۋنيۆەرسيتەتى بازاسىندا شەتەلدىك جەتەكشى جوعارى وقۋ ورىندارىنىڭ فيليالىن اشۋ مۇمكىندىكتەرى قاراستىرىلۋدا، دەپ حابارلايدى Almaty-akshamy.kz قازاقپارتقا سىلتەمە جاساپ.
«ءبىز 2025 جىلعا قاراي تۋريزم سالاسىندا 60 مىڭعا جۋىق جاڭا جۇمىس ورنىن اشۋدى كوزدەپ وتىرمىز. ينۆەستيسيالىق جانە ينفراقۇرىلىمدىق جوبالاردى ىسكە اسىرۋ دا، سونداي-اق ەكونوميكانىڭ ءتۇرلى سالالارىندا حالىقتىڭ جۇمىسپەن قامتىلۋىنا جول اشاتىن تۋربيزنەس قىزمەتىن جانداندىرۋ دا وسىعان ىقپال ەتەدى. بۇل بىلىكتى كادرلارعا دەگەن سۇرانىستى ارتتىرادى»، - دەدى د. ابايەۆ.
وسى ورايدا ول 2020 جىلدان باستاپ تۇركىستان قالاسىندا بەيىندى حالىقارالىق تۋريزم جانە مەيماندوستىق ۋنيۆەرسيتەتى جۇمىس ىستەي باستاعانىن، وندا 7 باعىت بويىنشا 1 300-دەن استام ستۋدەنت وقيتىنىن ەسكە سالدى.
«ۋنيۆەرسيتەت 2021 جىلعى جەلتوقساندا بىرىككەن ۇلتتار ۇيىمىنىڭ دۇنيەجۇزىلىك تۋريستىك ۇيىمى (يۋنۆتو) باس اسسامبلەياسىنىڭ اككرەديتتەلگەن مۇشەسى بولدى. تۇركيا، فرانسيا، پورتۋگاليا، اۆستريا، ۆەنگريا جانە باسقا ەلدەردىڭ جەتەكشى جوعارى وقۋ ورىندارىمەن ىنتىماقتاستىق ورناتىلدى. بۇگىندە ۋنيۆەرسيتەت دۋالدى ءبىلىم بەرۋدى تابىستى جۇزەگە اسىرۋ ارقىلى حالىقارالىق وزىق تاجىريبە الماساتىن سالالىق حابقا اينالىپ كەلەدى. ءقازىر ۋنيۆەرسيتەت جانىنان يۋنۆتو اكادەمياسىن اشۋ، سونداي-اق، يۋنەسكو عىلىمي-زەرتتەۋ ورتالىعىن قۇرۋ بويىنشا كەلىسسوزدەر جۇرگىزىلىپ جاتىر. سونداي-اق ۋنيۆەرسيتەت بازاسىندا مەيماندوستىق سالاسى بويىنشا شەتەلدىك جەتەكشى جوعارى وقۋ ورىندارىنىڭ فيليالىن اشۋ مۇمكىندىكتەرى قاراستىرىلۋدا»، - دەدى مينيستر.