الماتى قالاسىندا «باۋىرساق Fest – 2025» رەسپۋبليكالىق فەستيۆالى ءوتتى. حالىقارالىق اسپازدار كۇنى قارساڭىندا ءارى «جۇمىسشى ماماندىقتار جىلى» اياسىندا وتكەن ءىس-شارا قالالىق ءبىلىم باسقارماسىنا قاراستى «الماتى تەحنولوگيالىق كوللەدجى» بازاسىندا ۇيىمداستىرىلدى.
جىل سايىن داستۇرگە اينالعان فەستيۆالدىڭ باستى ماقساتى – ۇلتتىق تاعاممەن قوسا، ءسالت-داستۇردى ناسيحاتتاۋ دەيدى الماتى تەحنولوگيالىق كوللەدجىنىڭ ديرەكتورى ەرۇلان قاراعۇلوۆ. «بيىل مەملەكەت باسشىسىنىڭ جاريالاعان «جۇمىسشى ماماندىقتار جىلى» اياسىندا تاماقتانۋ جانە قىزمەت كورسەتۋ ماماندىقتارىنداعى كادرلار سانى كوبەيىپ جاتىر. وسى ءداستۇردى ارى قاراي جالعاستىرۋ – ءبىزدىڭ باستى پارىزىمىز»، – دەدى كوللەدج ديرەكتورى.
«باۋىرساق Fest – 2025» فەستيۆالى ۇلتتىق تاعامدار مەن قوناقجايلىلىقتى ناسيحاتتاپ قانا قويماي، قاتىسۋشىلاردىڭ كاسىبي شەبەرلىك دەڭگەيىن جانە كاسىپ بەدەلىن ارتتىردى ءارى كوللەدجدەر مەن الەۋمەتتىك سەرىكتەستەر اراسىنداعى بايلانىستى نىعايتا ءتۇستى.
اتالمىش بايقاۋ بيىل جەتىنشى رەت ءوتىپ وتىر. الماتى تەحنولوگيالىق كوللەدجىنىڭ وقۋ-وندىرىستىك ءىسى بويىنشا ديرەكتوردىڭ ورىنباسارى گۇلنار جۇنىسبەك قىزىنىڭ سوزىنشە، فەستيۆال العاشىندا اۋداندىق، كەيىن قالالىق دەڭگەيدە ۇيىمداستىرىلسا، بىلتىردان بەرى رەسپۋبليكا بويىنشا وتكىزىلىپ كەلەدى.
گۇلنار جۇنىسبەك قىزىنىڭ ايتۋىنشا، كەزەكتى بايقاۋعا 11 كوللەدج قاتىسقان. جۋىردا وقۋ ورنى «باۋىرساق Fest»ء-تىڭ لوگوتيپ پاتەنتىن، وتكىزىلۋ ەرەجەسىنىڭ اۆتورلىق قۇقىعىن الدىق. قازىرگە مەملەكەت تاراپىنان قارجىلىق قولداۋ بولماعانىمەن، اۋەزوۆ اۋدانى اكىمدىگى بەلسەندى قولداۋ كورسەتىپ كەلەدى.
قازاق حالقىنىڭ اسپازدىق ونەرى عاسىرلاردان كەلە جاتقان ۇلتتىق داستۇرگە باي. قازاق داستارحانى قاشان دا وزىندىك ەرەكشەلىگىمەن، دامىمەن تانىمال. حالقىمىزبەن دامدەس بولعان ساياحاتشىلار ۇلتتىق تاعامداردى ءنارلى جانە ءدامدى، قاراپايىم جانە تالعامپاز، تاعامداردىڭ ارتۇرلىلىگى مەن سيرەك ۇيلەسىمىمەن، سونداي-اق ۇزاق ۋاقىت بويى ەستە قالعان قوناقجايلىلىعىن تاڭدانا ەسكە الادى.
كلاسسيكالىق «باۋىرساق»، «شي باۋىرساق»، اۆتورلىق «باۋىرساق» جانە «ارت-ۇستەل» اتالىمدارىنان تۇرعان فەستيۆال بارىسىندا كونسەرتتىك باعدارلاما ۇسىنىلدى. قاتىسۋشىلاردى كاسىبي ناۋبايحانا جانە كونديتەرلىك تەحنولوگتاردان تۇراتىن قۇزىرەتتى قازىلار القاسى باعالادى.
«باۋىرساق Fest» جىلدان-جىلعا وركەندەپ كەلە جاتىر. باستاپقىدا 6 توپ قانا ب ا ق سىناسقان بايقاۋعا ءقازىر 6 وڭىردەن، الماتىنىڭ 4 كوللەدجىنەن قاتىسۋشىلار كەلدى. بۇل – ءداستۇردى جالعاستىرۋدىڭ ايقىن كورىنىسى. اۆتورلىق «باۋىرساق» – ءار قاتىسۋشىنىڭ دەربەس ءارى ءوز ويىنان دايىندالاتىن ءونىم. ال «ارت-ۇستەلدە» كورنەكىلىككە باسا نازار اۋدارىلادى. باعالاۋ كەزىندە ىدىستارعا، دايىندالعان ونىمدەرگە، تازالىققا، تاقىرىپقا سايكەستىلىگىنە، باۋىرساقتىڭ قۇرامىنا، پىسكەن كەزدەگى كۇيىنە، پىشىنىنە نازار سالامىز. قاتىسۋشىلار جۇلدەلى ورىنداردان بولەك ءتۇرلى اتالىم بويىنشا ماراپاتتالادى، – دەدى «Qulpynai» كونديتەرلىك ءۇيىنىڭ ءبولىم مەڭگەرۋشىسى ەلميرا دارىبايەۆا.
نابيرا جۇماباي قىزى، «پروگرەسس» پوليتەحنيكالىق كوللەدجىنىڭ شەبەرى:
باۋىرساق – قازاقتىڭ اتا-بابادان كەلە جاتقان ۇلتتىق تاعامى. سوندىقتان «باۋىرساق Fest» اتتى فەستيۆالدىڭ ۇيىمداستىرىلۋىن قۇپتايمىن. ۇلتتىق ويىندارىمىز بەن ۇلتتىق تاعامدارىمىز كەڭىنەن ناسيحاتتالعانىن قالايمىن. ويتكەنى، ءداستۇرىمىز قازاقستاننىڭ دامۋىنا، جاستاردىڭ وركەندەۋىنە جول اشادى. فەستيۆالگە ەكىنشى رەت قاتىستىق. بىلتىر دا اتالمىش بايقاۋ ءوز دەڭگەيىنە سايكەس ءادىل ءوتتى. نان ونىمدەرىن تۇرلەندىرگەنىمىزدىڭ ارقاسىندا «ارت-ۇستەلىمىز» ەكىنشى ورىندى يەمدەندى. ۇيىمداستىرىۋشىلارعا شەكسىز العىس ايتامىن.
سالتانات بوتابەك قىزى، بايقاۋعا قاتىسۋشى:
"جامبىل وبلىسى اكىمدىگى ءبىلىم باسقارماسىنىڭ «№3 بايزاق كوللەدجىنەن» 4 قاتىسۋشى كەلدىك. بايقاۋعا باۋىرساق پىسىرەتىن ارنايى تاماقتاندىرۋدى ۇيىمداستىرۋ ماماندىعىنىڭ وندىرىستىك وقىتۋ شەبەرلەرى قاتىستى. بويدا قوبالجۋ بولعانىمەن، بارىنشا دايىندالدىق"
