ءدارىنىڭ باعاسىن ونلاين باقىلاۋعا بولادى

دسم ازاماتتارعا دارى-دارمەكتىڭ شەكتى بولشەك ساۋدا باعاسىن باقىلاۋ ءۇشىن Dari.kz موبيلدىك قوسىمشاسىن پايدالانۋدى ۇسىنادى.

بۇل ومىرلىك ماڭىزدى دارى-دارمەكتەرگە باعا بەلگىلەۋدىڭ قولجەتىمدىلىگى مەن ادىلدىگىن قامتاماسىز ەتۋگە مۇمكىندىك بەرەدى، دەپ حابارلايدى aqshamnews.kz

Dari.kz قالاي جۇمىس ىستەيدى؟

Dari.kz قوسىمشاسىنىڭ كومەگىمەن پايدالانۋشىلار باعانىڭ قىمباتتاعانى تۋرالى وڭاي جانە جىلدام حابارلاي الادى. بۇل ءۇشىن:

1.دارى-دارمەكتىڭ تۇبىرتەگى مەن قاپتاماسىنىڭ سۋرەتىن جۇكتەۋ قاجەت.

2.⁠مەديسينالىق جانە فارماسيەۆتيكالىق باقىلاۋ كوميتەتىنىڭ اۋماقتىق دەپارتامەنتتەرىنە اۆتوماتتى تۇردە جىبەرىلەتىن ءوتىنىش جىبەرۋ كەرەك.

قوسىمشا سونىمەن قاتار دارى-دارمەكتەردى قولدانعاننان كەيىن پايدا بولعان جاناما اسەرلەر تۋرالى حابارلاۋعا مۇمكىندىك بەرەدى. بۇل دارى-دارمەكتەردىڭ ساپاسىن باقىلاۋدى جاقسارتۋعا كومەكتەسەدى.

دەنساۋلىق ساقتاۋ مينيسترلىگى بەلگىلەنگەن شەكتى بولشەك ساۋدا باعاسىنان اسىپ كەتكەنى ءۇشىن ايىپپۇلدار كوزدەلگەنىن ەسكە سالادى.

اكىمشىلىك قۇقىق بۇزۋشىلىق تۋرالى كودەكستىڭ 426-بابىنىڭ 1-بولىگىنە سايكەس مىناداي ايىپپۇلدار كوزدەلگەن:

جەكە تۇلعالار: 70 اەك.

لاۋازىمدى تۇلعالار: 100 اەك.

شاعىن كاسىپكەرلىك سۋبەكتىلەرى: 130 اەك.

ورتا كاسىپكەرلىك سۋبەكتىلەرى: 200 اەك.

ءىرى كاسىپكەرلىك سۋبەكتىلەرى: 1000 اەك.

Dari.kz قوسىمشاسىن تەگىن جۇكتەپ الۋعا بولادى.