دارىگەرلەردى كوروناۆيرۋستىڭ مۋتاسياعا ۇشىراپ جاتقانى الاڭداتادى

بۇل ماسەلەدەگى قاۋىپسىزدىك ادامداردىڭ وزىنە بايلانىستى.

"بىزگە ۇجىمدىق يممۋنيتەتتى ساقتاپ قالۋ كەرەك". بۇل تۋرالى دەنساۋلىق ساقتاۋ ۆيسە-مينيسترى — باس مەملەكەتتىك سانيتارلىق دارىگەرى ايجان ەسماعامبەتوۆا ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ. 

«كوروناۆيرۋسقا توقتالساق، بۇل ماسەلەدەگى قاۋىپسىزدىك ادامداردىڭ وزىنە بايلانىستى. بىزگە ۇجىمدىق يممۋنيتەتتتى ساقتاپ قالۋ كەرەك. ول ءۇشىن ۆاكسينا سالدىرعان دۇرىس نەمەسە راۆاكسينالاۋ ماڭىزدى. اتاپ ايتقاندا، كوروناۆيرۋس ينفەكسياسىنىڭ تارالۋى جايىندا ءدال ءقازىر ەشبىر مامان ناقتى پايىمىن ايتا المايدى»، - دەدى ايجان ەسماعامبەتوۆا. 

وسى ورايدا ول ينفەكسيانىڭ تارالۋى احۋالىنا بايلانىستى ەكى سەناريي بار ەكەنىن ايتتى. 

«ياعني كوروناۆيرۋس مۋتاسياعا ۇشىراپ جاتقانىن كورىپ تۇرمىز. دەگەنمەن ۆيرۋس قۇرامى مەن ونىڭ پاتوگەندىگىنىڭ تومەندەۋى جاقسى نىشان. الايدا ۆيرۋستىڭ ءالى دە مۋتاسياعا ۇشىراپ جاتقانى ءبىزدى الاڭداتىپ وتىر. بۇل ءوز كەزەگىندە ۆيرۋستى ءبىرجولا جەڭدىك دەپ سەنىمدى تۇردە ايتۋعا مۇمكىندىك بەرمەيدى»، - دەدى باس مەملەكەتتىك سانيتارلىق دارىگەر.

بۇدان بۇرىن حابارلانعانداي، قازاقستاننىڭ دەنساۋلىق ساقتاۋ مينيسترلىگى رەسەيمەن ارادا كوروناۆيرۋستان ۆاكسينا پاسپورتتارىن ءوزارا تانۋ تۋرالى كەلىسىمدى بەكىتۋدى قولداپ وتىر.