«الماتى – ىستامبۇل» باعىتدا الماتىلىق دارىگەرلەر جولاۋشىعا العاشقى مەديسينالىق كومەك كورسەتتى، - دەپ حابارلايدى almaty-akshamy.kz
الماتىلىق دارىگەرلەر يزرايلگە (تەل-اۆيۆ) ىستامبۇل ارقىلى ترانسفەرمەن وقۋعا جىبەرىلگەن ەدى.
«ەير استانا» اۋە كومپانياسىنىڭ الماتىدان ىستامبۇلعا باعىت العان ۇشاعىندا جولاۋشىلاردىڭ ءبىرى ءوزىن جايسىز سەزىنەدى. ەكيپاج كاپيتانى بورتتا مەديسينالىق قىزمەتكەرلەردىڭ بار-جوعىن انىقتاعان.
«الماتىدان تەل-اۆيۆكە باعىت العان رەيستە، جولاۋشىنىڭ باعىنا وراي، مەديسينالىق قىزمەتكەرلەر بولىپ شىقتى. جەدەل مەديسينالىق كومەك كورسەتۋ قوسالقى ستانساسىنىڭ دارىگەرى ميرا جۇسىپبەكوۆا مەن №5 قالالىق پەرزەنتحانانىڭ دارىگەرى دينارا نارىمبييەۆانىڭ شۇعىل ارەكەت ەتۋىنىڭ ارقاسىندا جولاۋشىعا العاشقى مەديسينالىق كومەك كورسەتىلىپ، قان قىسىمى قالپىنا كەلتىرىلدى. ناتيجەسىندە جولاۋشى وز-وزىنە كەلىپ، ساپارىن جالعاستىردى»، - دەپ اتاپ ءوتتى الماتى قالالىق دەنساۋلىق ساقتاۋ باسقارماسىنىڭ «جەدەل جاردەم» قىزمەتى.