قوعامدىق ورىندارداعى تارتىپسىزدىك: ءسىز قانشا ايىپپۇل تولەيسىز؟
قوعامدىق ورىنداردا ءتارتىپ بۇزۋ تەك مادەنيەتسىزدىك ەمەس، ول ءسىزدىڭ قالتاڭىزعا دا اۋىر سوققى اكەلۋى مۇمكىن. قازاقستاندا ءتارتىپ بۇزۋشىلارعا زاڭعا سايكەس تومەندەگىدەي ايىپپۇلدار قاراستىرىلعان، دەپ حابارلايدى aqshamnews.kz
- مەملەكەتتىك رامىزدەردى قورلاۋ – 11 796 000 تەڭگە. بۇل ارەكەت ەلدىڭ ابىرويىنا نۇقسان كەلتىرۋمەن تەڭ.
- كىرەبەرىس پەن ەسىك الدىنا قوقىس قالدىرۋ – 78 640 تەڭگە. قوعامدىق گيگيەنانى ساقتاۋ – اركىمنىڭ مىندەتى.
- كەشكى ساعات 22:00-دەن كەيىن شۋ شىعارۋ – 19 660 تەڭگە. ەلدىڭ تىنىشتىعىن قۇرمەتتەڭىز.
- قوعامدىق ورىندا تۇكىرۋ – 19 660 تەڭگە. بۇل قاراپايىم مادەنيەتسىزدىك عانا ەمەس، زاڭ بۇزۋشىلىق.
- كولىك جۇرگىزۋ كەزىندە تەلەفون پايدالانۋ نەمەسە بەلبەۋ تاقپاۋ – 19 660 تەڭگە. بۇل ءسىزدىڭ ءومىرىڭىزدى جانە باسقالاردىڭ قاۋىپسىزدىگىن قورعاۋ ءۇشىن ماڭىزدى.
- قۇجاتسىز كولىك جۇرگىزۋ – 78 640 تەڭگە. جۇرگىزۋشى كۋالىگىنسىز كولىك تىزگىندەگەندەر جازاسىز قالمايدى.
- اۆتوبۋستا جولاقى تولەمەۋ – 7 864 تەڭگە. بۇل قوعامدىق كولىكتى قولدانۋ ەرەجەلەرىن بۇزۋ بولىپ سانالادى.
- كامەلەتكە تولماعان بالانىڭ تۇنگى ۋاقىتتا ويىن-ساۋىق ورىندارىندا بولۋى – 11 796 تەڭگە. بالانىڭ قاۋىپسىزدىگى ءبىرىنشى ورىندا.
- جولدى بەلگىلەنبەگەن جەردەن كەسىپ ءوتۋ – 7 864 تەڭگە. جاياۋ جۇرگىنشىلەرگە ارنالعان جولداردى قولدانۋ – قاۋىپسىزدىك كەپىلى.
- كولىك جىلدامدىعىن اسىرۋ – 19 660 تەڭگەدەن 117 960 تەڭگەگە دەيىن. بۇل ءسىزدىڭ دە، جولداعىلاردىڭ دا ومىرىنە ءقاۋىپ توندىرەدى.
- قوعامدىق ورىندا بالاعات ءسوز ايتۋ – 78 640 تەڭگە. ءتارتىپ پەن ەتيكا بارىمىزگە ورتاق.
- ءمۇعالىم نەمەسە دارىگەردى بالاعاتتاۋ – 39 320 تەڭگە. بۇل ولاردىڭ قۇرمەتى مەن قادىر-قاسيەتىنە قول سۇعۋ.
قوعامدىق ءتارتىپتى ساقتاۋ – ازاماتتىق بورىش. ءارقايسىمىز وسى ەرەجەلەردى ساقتاي وتىرىپ، وزىمىزگە جانە اينالامىزداعى ادامدارعا جايلى ورتا قالىپتاستىرا الامىز. زاڭدى قۇرمەتتەيىك!