الماتى اكىمى الاتاۋ اۋدانى سايالى شاعىن اۋدانىندا سالىنىپ جاتقان امبۋلاتورياعا بارىپ، نىساندى ارالاپ، قۇرىلىس جۇمىستارىمەن تانىستى.
قالا باسشىسى امبۋلاتوريانى پايدالانۋعا بەرۋدى جەدەلدەتۋ بويىنشا ناقتى تاپسىرمالار بەردى، دەپ حابارلايدى aqshamnews.kz.
دارحان ساتىبالدى مەديسينالىق مەكەمە قىسقا مەرزىم ىشىندە پايدالانۋعا بەرىلىپ، قۇرىلىس ساپاسى دا، ناۋقاستار مەن مەديسينا قىزمەتكەرلەرى ءۇشىن دە زاماناۋي تالاپتارعا تولىق ساي بولۋى كەرەك ەكەنىن اتادى. اتاپ ايتقاندا، ول امبۋلاتوريانى مامموگراف، ۋدز جانە رەنتگەن اپپاراتى سىندى دياگنوستيكالىق جابدىقتارمەن قامتاماسىز ەتۋ قاجەتتىلىگىنە ەرەكشە نازار اۋداردى. بۇل حالىق سانىنىڭ ءوسۋى مەن پروفيلاكتيكالىق قىزمەتكە سۇرانىستىڭ ارتۋىنا بايلانىستى ماڭىزدى.
سونىمەن قاتار، اكىم جەكەمەنشىك سەكتور وكىلدەرىنىڭ جانە ينۆەستورلاردىڭ دەنساۋلىق ساقتاۋ نىساندارىن جاڭعىرتۋعا قاتىسۋ ۇلەسىن ارتتىرۋ مۇمكىندىگىن قاراستىرۋدى تاپسىردى. بۇل قولجەتىمدىلىكتى ارتتىرۋمەن قاتار، باسەكەلەستىك پەن زاماناۋي تاسىلدەردى ەنگىزۋ ارقىلى مەديسينالىق قىزمەتتىڭ ساپاسىن جاقسارتۋعا مۇمكىندىك بەرەدى.
جاڭا امبۋلاتوريانىڭ اشىلۋى قارقىندى دامىپ كەلە جاتقان الاتاۋ اۋدانىنىڭ باستى ماسەلەلەرىنىڭ ءبىرى – مەديسينالىق العاشقى كومەكتىڭ قولجەتىمدىلىگىن شەشۋگە باعىتتالعان. ءقازىر اۋداندا 327 مىڭنان استام ادام تۇرادى، بۇل كورسەتكىش تۇرعىن ءۇي قۇرىلىسىنىڭ قارقىنى مەن تابيعي ءوسىمنىڭ ەسەبىنەن ارتىپ كەلەدى. اسىرەسە، مەديسينالىق ينفراقۇرىلىمنىڭ جەتىسپەۋشىلىگى سايالى، سايالى-2 جانە بورالداي شاعىن اۋدانىنىڭ وڭتۇستىك-باتىس بولىگىندە قاتتى سەزىلەدى.
بۇگىندە وسى اۋداندارداعى 15 مىڭنان استام تۇرعىن 5-10 شاقىرىم قاشىقتىقتا ورنالاسقان قالاداعى №22 جانە №29 ەمحانالارعا تىركەلگەن. بۇل مەكەمەلەر ءقازىردىڭ وزىندە جوبالىق قۋاتىنان ارتىق جۇمىس ىستەپ جاتىر.
جاڭا امبۋلاتوريانىڭ قۇرىلىسى 70%-عا اياقتالعان. نىسان ءبىر اۋىسىمدا 200 ادام قابىلداي الادى. ءقازىر عيماراتتىڭ قاسبەتى مەن ىشكى ارلەۋ جۇمىستارى اياقتالىپ، ينجەنەرلىك جۇيەلەر تارتىلعان، مەديسينالىق جابدىقتار ساتىپ الىنىپ جاتىر. امبۋلاتوريانىڭ ىسكە قوسىلۋى قولدانىستاعى ەمحانالارعا تۇسەتىن جۇكتەمەنى ازايتىپ، مەديسينالىق كومەكتىڭ تۇرعىندارعا قولجەتىمدى بولۋىنا مۇمكىندىك بەرەدى.
جوبا اياسىندا ۋچاسكەلىك دارىگەرلەرگە، پەدياترلارعا جانە مۇمكىندىگى شەكتەۋلى ادامدارعا قىزمەت كورسەتەتىن ماماندارعا جايلى جاعداي جاساۋعا ەرەكشە كوڭىل بولىنگەن. اۋداندا تۋۋ كورسەتكىشى جوعارى جانە حالىقتىڭ ساناتى جاس بولعاندىقتان، انا مەن بالانى قورعاۋ دا باسىم باعىتتاردىڭ ءبىرى بولماق.
سايالىداعى امبۋلاتوريانىڭ قۇرىلىسى – الاتاۋ اۋدانىنداعى مەديسينالىق كومەكتىڭ ساپاسى مەن قولجەتىمدىلىگىن ارتتىرۋ جولىنداعى ماڭىزدى قادام. بۇل مەديسينالىق-سانيتارلىق العاشقى كومەكتى نىعايتۋ جانە اۋماقتىق كەدەرگىلەردى جويۋعا باعىتتالعان جۇيەلى جۇمىستىڭ ءبىر بولىگى.
قازىرگى ۋاقىتتا اۋداندا بەس مەملەكەتتىك ەمحانا جۇمىس ىستەيدى: №14، 22، 23، 25 جانە 29. سونىمەن قاتار، تمككك مەن ءمامس اياسىندا قىزمەت كورسەتەتىن ءتورت جەكە مەديسينالىق ۇيىم بار. بۇعان قوسا، ءبىر مساك ورتالىعى مەن بەس دارىگەرلىك امبۋلاتوريا جۇمىس ىستەيدى.
سونداي-اق، اۋدان اۋماعىندا 147 ورىندىق ءمودۋلدى ستاسيوناردا ورنالاسقان قالالىق پاتولوگواناتوميالىق بيۋرو مەن بالالار ينفەكسيالىق اۋرۋحاناسىنىڭ فيليالى جۇمىس ىستەيدى. بۇل مەكەمە الاتاۋ، جەتىسۋ جانە تۇركسىب اۋداندارىنان كەلەتىن بالالاردى وتكىر جۇقپالى اۋرۋلار بويىنشا قابىلدايدى.
سايالىداعى امبۋلاتوريا قۇرىلىسىنىڭ بارىسى قالا باسشىلىعىنىڭ تۇراقتى باقىلاۋىندا.