ءساۋىر ايىندا اۋىل شارۋاشىلىعى داقىلدارىنىڭ سەلەكسياسى مەن تۇقىم شارۋاشىلىعى سالاسىن دامىتۋدىڭ 2024 – 2028 جىلدارعا ارنالعان كەشەندى جوسپارى قابىلدانادى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
سەنات دەپۋتاتتارىنىڭ ساۋالىنا جولداعان جاۋابىندا پرەمەر-مينيستر ءاليحان سمايىلوۆ وسىنداي مالىمەت كەلتىرەدى.
«اۋىل شارۋاشىلىعى داقىلدارىنىڭ سەلەكسياسى مەن تۇقىم شارۋاشىلىعى سالاسىن دامىتۋدىڭ 2024 – 2028 جىلدارعا ارنالعان كەشەندى جوسپارىنىڭ جوباسى 3 بولىمنەن تۇرادى: اگرارلىق عىلىمدى، سەلەكسيانى جانە باستاپقى تۇقىم شارۋاشىلىعىن دامىتۋ؛ تەحنيكا مەن جابدىقتى جاڭارتۋ جونىندەگى شارالار؛ تۇقىم شارۋاشىلىعىنىڭ ءتيىمدى جۇيەسىن قۇرۋ، سونداي-اق جارعىلىق كاپيتالدى ۇلعايتۋ، تۇقىمداردى سەرتيفيكاتتاۋ جۇيەسىن ەنگىزۋ ارقىلى سەلەكسيالىق مەكەمەلەردى ماتەريالدىق-تەحنيكالىق جاراقتاندىرۋعا بيۋدجەت قاراجاتىن ءبولۋ جونىندەگى ءىس-شارالار ەنگىزىلگەن.قازىرگى تاڭدا كەشەندى جوسپار مۇددەلى مەملەكەتتىك ورگاندار مەن ۇيىمداردىڭ ماقۇلداۋىنان وتۋدە. سونىڭ قورىتىندىسى بويىنشا وسى جوسپاردى ءساۋىر ايىندا بەكىتۋ جوسپارلانىپ وتىر»، - دەپ جازادى ءاليحان سمايىلوۆ.
ۇكىمەت باسشىسىنىڭ مالىمەتى بويىنشا، كەشەندى جوسپار وتاندىق تۇقىم شارۋاشىلىعىنىڭ باسەكەگە قابىلەتتىلىگىن ارتتىرۋعا جانە يمپورتقا تاۋەلدىلىكتى تومەندەتۋگە، سونداي-اق سالاعا ينۆەستيسيالار مەن وزىق يننوۆاسيالىق شەتەلدىك تەحنولوگيالار مەن سەلەكسيا مەن تۇقىم شارۋاشىلىعىنىڭ ادىستەرىن تارتۋعا مۇمكىندىك بەرەدى.
«سونىمەن قاتار، عىلىمي زەرتتەۋلەردى باعدارلامالىق-نىسانالى قارجىلاندىرۋ شەڭبەرىندە اۋىل شارۋاشىلىعى داقىلدارىنىڭ سەلەكسياسىن دامىتۋ ماقساتىندا اۋىل شارۋاشىلىعى داقىلدارىنىڭ سەلەكسياسىنا بولىنگەن قاراجات كولەمى ۇلعايتىلدى. 2024 – 2026 جىلدارى 5 ەسە (1،5 ملرد تەڭگەدەن 7،5 ملرد تەڭگەگە دەيىن)»، - دەپ جازىلعان پرەمەر-مينيستردىڭ جاۋابىندا.