قازاقستان رەسپۋبليكاسى ءىىم م. ەسبولاتوۆ اتىنداعى الماتى اكادەمياسىنىڭ كۋرسانتتارى الماتى قالاسىنداعى ورتالىق مۇراجايدا وتكەن «داڭقى وشپەس باتىرلار» اتتى تاعىلىمدى مادەني ءىس-شاراعا قاتىستى.
اتالعان ءىس-شارا ۇلى جەڭىستىڭ 80 جىلدىعىنا وراي قازاقستان حالقى اسسامبلەياسى، «قوعامدىق كەلىسىم» قوعامدىق ۇيىمى جانە وفيسەرلەر وداعىنىڭ ۇيىمداستىرۋىمەن ءوتتى.
بۇگىنگى ۇرپاققا جاۋىنگەرلەر ەرلىگىن ۇلىقتاپ، جاس ۇرپاقتىڭ جۇرەگىنە وتانسۇيگىشتىك رۋحىن سىڭىرەتىن مازمۇندى ءىس-شارادا سوعىس جىلدارىنىڭ ەستەلىكتەرى جاڭعىرىپ، مايدانگەرلەردىڭ رۋحىنا تاعزىم ەتىلدى.
ۇلى جەڭىس قۇرمەتىنە ارنالعان ءىس-شاراعا سونداي-اق ۇلى وتان سوعىسى باتىرلارىنىڭ ۇرپاقتارى ءاليا قوشقاربايەۆا، جانار ناقىپوۆا، قازاقستان حالقى اسسامبلەياسىنىڭ رەسپۋبليكالىق، وڭىرلىك جانە قالالىق ەتنومادەني بىرلەستىكتەرىنىڭ وكىلدەرى، عىلىمي زيالى قاۋىم وكىلدەرى، قوعام قايراتكەرلەرى قاتىسىپ، م.ەسبولاتوۆ اتىنداعى الماتى اكادەمياسىنىڭ كۋرسانتتارى مەن الماتى قالاسى پوليسيا دەپارتامەنتىنىڭ جەكە قۇرامى ۇسىنعان كونسەرتتىك باعدارلامانى تاماشالادى.