بۇگىندە نارىقتىڭ 80%-دان استامىن «دامۋ» اتو» جشس-ىنە تيەسىلى «Damumed» جۇيەسى قامتيدى
ق ر پرەمەر-مينيسترى ءاليحان سمايىلوۆ ورتالىق مەملەكەتتىك ورگاندار، باس پروكۋراتۋرا، بقدا، قما جانە تاعى باسقا ۆەدومستۆو باسشىلارىنىڭ قاتىسۋىمەن ەكونوميكانى دەمونوپوليزاسيالاۋ جونىندەگى كوميسسيانىڭ كەزەكتى وتىرىسىن وتكىزدى، دەپ حابارلايدى Almaty-akshamy.kz.
كوميسسيا تاپسىرماسىن ورىنداۋ ماقساتىندا «سۇيىتىلعان مۇناي گازىن ساقتاۋ پاركى» ءجشس-نىڭ 50% ۇلەسىن مەملەكەت مەنشىگىنە، ياعني اتىراۋ مۇناي وڭدەۋ زاۋىتىنا بەرۋ اياقتالعانى اتاپ ءوتىلدى. اتىراۋ وبلىسىنىڭ مامانداندىرىلعان اۋدانارالىق اكىمشىلىك سوتىنىڭ ءتيىستى شەشىمى زاڭدى كۇشىنە ەندى.
پرەمەر-مينيستر كاسىپورىننىڭ قالىپتى رەجيمدە جۇمىسىن قامتاماسىز ەتۋدى جانە سوت شەشىمنەن تۋىندايتىن بارلىق قاجەتتى راسىمدەردى ورىنداۋ بويىنشا جۇمىستى جالعاستىرۋدى تاپسىردى.
بۇدان بولەك، دەنساۋلىق ساقتاۋ سالاسىنداعى اقپاراتتىق قىزمەتتەردى كورسەتۋ نارىعىندا باسەكەلەستىكتى دامىتۋ شارالارى قاراستىرىلدى. بۇگىندە نارىقتىڭ 80%-دان استامىن «دامۋ» اتو» جشس-ىنە تيەسىلى «Damumed» جۇيەسى قامتيدى. رەسپۋبليكالىق دەڭگەيدە مەديسينالىق اقپاراتتىق جۇيەلەر اراسىندا دەرەكتەر الماسۋدىڭ تولىققاندى تەتىگىنىڭ بولماۋى نارىقتا باسەكەلەستىككە جاتپايتىن جاعدايلار تۋعىزىپ، سالدارىنان قازاقستاندىق مەديسينالىق ۇيىمدار ءبىر مەديسينالىق اقپاراتتىق جۇيەدەن باسقاسىنا اۋىسقاندا قيىندىقتارعا كەزىگىپ وتىر.
وسىعان بايلانىستى «دامۋ» اتو» ءجشس-ى ەكونوميكانى دەمونوپوليزاسيالاۋ جونىندەگى كوميسسيانىڭ بيىلعى جىلدىڭ 27 ساۋىرىندەگى تاپسىرماسىن ورىنداۋ اياسىندا «ە-دەنساۋلىق» جۇيەسى بازاسىندا ءبىرىڭعاي رەسپۋبليكالىق مەديسينالىق دەرەكتەر قورىن قۇرۋ جانە مەديسينالىق ۇيىمدار اراسىندا اقپارات الماسۋ ءۇشىن «Damumed» دەرەكتەر قورىن دەنساۋلىق ساقتاۋ مينيسترلىگىنە بەردى. بۇل ءۇشىنشى تاراپتاعى قىزمەت ۇسىنۋشىلاردىڭ مەديسينالىق ۇيىمدارعا باسەكەلەستىك نەگىزدە ءتيىستى قىزمەتتەر كورسەتۋىنە مۇمكىندىك بەرەدى.
ءاليحان سمايىلوۆ «ە-دەنساۋلىق» جۇيەسىن قۇرۋ بويىنشا جۇمىستى جەدەلدەتۋ جانە وسى سالاداعى رەتتەۋدىڭ تيىمدىلىگىن ارتتىرۋ ءۇشىن زاڭنامالىق تۇزەتۋلەر دايىنداۋ قاجەتتىگىن اتاپ ءوتتى.
كەڭەسكە قاتىسۋشىلار وتىن-ەنەرگەتيكا كەشەنىندەگى مونوپولياعا قارسى شارالاردى جۇزەگە اسىرۋ بارىسىن دا تالقىلادى.