جاڭا جىلدان باستاپ قازاقستاندىقتار ساۋساق ىزدەرىن ەرىكتى تۇردە تاپسىرادى
ازاماتتار ساۋساق ءىزىن جەكە باسىن كۋالاندىراتىن قۇجاتتاردى جاساتقاندا تاپسىرا الادى. حالىققا قىزمەت كورسەتۋ ورتالىقتارىندا قازاقستاندىقتاردى داكتيلوسكوپيادان وتۋگە ەشكىم مىندەتتەمەيدى، دەپ حابارلايدى اlmaty-akshamy.kz.
ەلىمىزدە "داكتيلوسكوپيالىق جانە گەنومدىق تىركەۋ تۋرالى" زاڭ 2016 جىلى قابىلدانعان بولاتىن. الايدا ساۋساق ىزدەرىن تاپسىرۋعا قاتىستى نورما تەك 2024 جىلى 1 قاڭتاردان باستاپ كۇشىنە ەنەدى.
باستاپقىدا ىشكى ىستەر مينيسترلىگى قازاقستاننىڭ 16 جاسقا تولعان بارلىق ازاماتىن ساۋساق ىزدەرىن تاپسىرۋعا مىندەتتەۋدى جوسپارلاعان ەدى. ءبىراق كەيىن زاڭعا وزگەرىستەر ەنگىزىلىپ، رەسپۋبليكا ازاماتتارى داكتيلوسكوپيالىق تىركەۋدەن ەرىكتى تۇردە وتەتىن بولدى.