قازاقستاندا سوڭعى 3 اپتا بويى ەپيدەميولوگيالىق احۋالف بىرتىندەپ تۇراقتانىپ كەلەدى. ق ر دەنساۋلىق ساقتاۋ مينيسترلىگىنىڭ مالىمەتىنشە، 18 تامىزعا دەيىن COVID-19-دىڭ وڭ ناتيجەسىمەن 708 379 جانە كۆي تەرىس ناتيجەمەن 66 381 ناۋقاس تىركەلگەن. تۇركىستان وبلىسىنان باسقا بارلىق ءوڭىر «قىزىل» ايماقتا تۇر. 1 تامىزدان بەرى كوروناۆيرۋس ينفەكسياسىنىڭ تارالۋ يندەكسى 14 پايىزعا قىسقارىپ، 1،11-دەن 0،97-گە تومەندەدى.
COVID-19 تارالۋىنا جول بەرمەۋ جونىندەگى ۆاك-تىڭ مالىمەتىنشە، 20،5 ميلليونعا جۋىق برازيليالىق كوروناۆيرۋس جۇقتىرعان. قايتىس بولعانداردىڭ جالپى سانى 570 000-نان استى. وتكەن تاۋلىكتە SARS-CoV-2 اۋرۋىنىڭ 37 613 جاعدايى تىركەلدى. ماۋسىم ايىندا برازيليانىڭ سانيتارلىق قاداعالاۋ جونىندەگى ۇلتتىق اگەنتتىگى «سپۋتنيك V» كوروناۆيرۋستىق ينفەكسياعا قارسى رەسەيلىك ۆاكسينانى اكەلۋدى جانە شۇعىل قولدانۋدى ماقۇلدادى.
دۇنيە ءجۇزىنىڭ مازاسىن العان «دەلتا» شتامدى كوروناۆيرۋس 150-گە جۋىق ەلدەن تابىلدى. بۇعان دەيىن ول 142 مەملەكەتتە انىقتالعان بولاتىن، سوڭعى ءبىر اپتا ىشىندە كورسەتكىش 148-گە جەتتى. ودان بولەك كەيىنگى كۇندەرى ۆيرۋستىڭ «الفا»، «بەتا» جانە «گامما» شتامدارىنىڭ دا تارالۋ گەوگرافياسى كەڭەيگەن. دۇنيەجۇزىلىك دەنساۋلىق ساقتاۋ ۇيىمىنىڭ مالىمەتىنە سايكەس، الەمدە ءبىر اپتادا كوروناۆيرۋستى جۇقتىرۋدىڭ شامامەن 4،5 ميلليون دەرەگى راستالعان ەكەن. ەڭ كوپ وقيعا سولتۇستىك جانە وڭتۇستىك امەريكادا تىركەلدى.
ۋكراينا سوڭعى ەكى ايدا كۆي-دىڭ رەكوردتىق اۋرۋىن تىركەيدى. ەلدە COVID-19 جۇقتىرۋ بويىنشا رەكوردتىق تاۋلىكتىك كورسەتكىش تىركەلدى، دەپ حابارلايدى ەلدىڭ دەنساۋلىق ساقتاۋ مينيسترلىگىنىڭ باسپا ءسوز قىزمەتى. 24 ساعات ىشىندە كوروناۆيرۋستىق ينفەكسيانىڭ 1 447 جاعدايى راستالدى، ناۋقاستار اراسىندا – 104 بالا جانە 38 دارىگەر بار، ءبىر تاۋلىكتە 40 ادام قايتىس بولدى. بۇل 10 ماۋسىمنان بەرگى ەڭ جوعارى كورسەتكىش، ول كەزدە 1 603 ادام اۋىرعان. ۋكراينادا ىندەت باستالعاننان بەرى 2 268 666 COVID-19 جاعدايى راستالدى.
اقش-تا كوروناۆيرۋستىق ينفەكسيانى جۇقتىرۋ كورسەتكىشى كۇننەن كۇنگە ارتۋدا. بيلىك COVID-19 جاڭا تولقىنىن جاريالادى جانە ونى «دەلتا» شتاممىنىڭ تارالۋىمەن بايلانىستىردى. انىقتالعان جاعدايلاردىڭ تاۋلىكتىك سانى 130 مىڭنان استى. وتكەن اپتاداعى ىندەتكە شالدىعۋشىلاردىڭ سانى 900 مىڭنان اسادى. سونىمەن قاتار، اۋرۋحاناعا جاتقىزىلعان بالالار سانى دا وسۋدە. وسىعان وراي، اق ءۇي قايتالاما ۆاكسينا الۋ مەرزىمىن بەلگىلەدى. «بۋستەرلىك» ينەكسيانى 8 ايدان كەيىن الۋعا بولادى.
كوسوۆو رەسپۋبليكاسى بارلاردىڭ جۇمىس ۋاقىتىن شەكتەدى جانە تۇنگى كلۋبتاردىڭ جۇمىسىنا تىيىم سالدى. 20 تامىزدان 1 قىركۇيەككە دەيىن مەيرامحانالار مەن كافەلەر ساعات 22:30-دا جابىلادى، كەلۋشىلەردى تەك ۆاكسيناسيا سەرتيفيكاتى ۇسىنىلعان كەزدە قابىلداي الادى. توي قوناقتارىنىڭ ەڭ كوپ سانى 300-دەن 150 ادامعا دەيىن شەكتەلگەن. بۇرىن مۇنداي شارالار سولتۇستىك ماكەدونيادا ەنگىزىلگەن بولاتىن.
17 تامىزدان باستاپ نيۋ-يوركتە قوعامدىق ورىندارعا بارۋ ءۇشىن ۆاكسيناسيا تۋرالى كۋالىك قاجەت. دە بلازيو قالاسىنىڭ مەرى COVID-19 ۆاكسيناسياسىن راستاۋ ءۇشىن ءبىر دوزا جەتكىلىكتى ەكەنىن ايتتى. ونىڭ ايتۋىنشا، نيۋ-يوركتىڭ ۇلگىسىن «جاڭا ورلەان، سان-فرانسيسكو جانە باسقا قالالاردىڭ» بيلىگى ۇستاندى.
جاڭا زەلانديادا ءبىر تۇرعىننىڭ كوروناۆيرۋس ينفەكسياسىن جۇقتىرۋىنا بايلانىستى لوكداۋن ەنگىزىلدى. پرەمەر-مينيستر دجاكيندا اردەرن ەلدە ءتورت دەڭگەيلى ولشەم بويىنشا ەڭ قاتاڭ لوكداۋن ەنگىزىلگەنىن جاريالادى. 58 جاستاعى جاڭا زەلانديالىقتىڭ اعزاسىندا ۆيرۋس بەلگىلەرى 14 تامىزدا پايدا بولدى جانە 12 تامىزدان باستاپ باسقا ادامدارعا ۆيرۋس جۇقتىرۋى مۇمكىن دەپ كۇتىلۋدە.
گرۋزيادا مىندەتتى بەتپەردە رەجيمى قايتا ەنگىزىلدى. مەديسينالىق بەتپەردە كيۋ ءۇي-جايلاردا جانە اشىق اسپان استىندا دا مىندەتتەلدى. بۇعان دەيىن گرۋزيانىڭ كوروناۆيرۋسپەن كۇرەس جونىندەگى ۇيلەستىرۋ كەڭەسى قوعامدىق كولىكتىڭ جۇمىسىنا تىيىم سالعان بولاتىن.